1¡Ajwalinjtzxwit Qman Dyos!
Kyajwali'nktze' tb'i Qman Dyos;
kyajwali'nktze' aye'ye' ajb'el te,
2ate'qe'ye' toj tja Qman Dyos,
exqe'ye' ate'ye' tpen tja Qman Dyos.
3Kyajwali'nktze' Qman Dyos, qu'n tb'anilte;
che b'itzan qe'ye' toj tb'i, qu'n in q'aq'an tk'u'j qi'j.
4Qu'n jaw t-sk'o'n Jakob', aju' Israel,
tu'n tok naku'j tkuwenku'xi'x.
5Kanlixi'x nwitze' nimxi'xte Qman Dyos toklen
kyekywitz kykyaqilju' kydyos xjal.
6Intb'incha'nte Qman Dyos tkyaqilju' b'a'n toj twitz,
toj kya'j ex twitz tx'otx',
toj ninnjab' ex t-xexi' ninnjab'.
7Injaw muj tu'n tib'aj tkyaqil twitz tx'otx',
intzaj tq'o'n xloq'lokya'j tu'n ttzaj jb'al,
ex nche etztiq'i'n kyq'iq' ja b'uyina'kyib'.
8A kub' b'yonkye kykyaqil tnejel kyk'wal aj Ejipt
ex tnejel kyalju' kyalu'n.
9E'tzaj tq'o'n techlal nimaq kyoklen
tojku'xi'xju' tnam Ejipt
tib'aj paraon ex kyib'aju' nche kawin tuk'i'l.
10Eb'ajkub' tb'yo'n nimaqtnam,
eltiq'i'n kychwinqlalju' nimaqkawil nim kyipumal;
11kub' tb'yo'n Siyon, nimaqkawil kye amorey,
ex Ow, nimaqkawil te B'asan,
ex kykyaqil nimaqkawil tij Kanaan e'kub'tb'yo'n;
12atzu'n kytx'otx'ju' nimaqkawil lu
tzaj tq'o'n te kyetzb'ilju' ttanam aj Israel.
13Tejumajxte' tb'iya, Nman Dyos;
ktzajel na'na kukxju'.
14Intb'incha'nte Qman Dyos tnik'alilti'j teju' ttanam;
in q'aq'an tk'u'j kyi'ju' tmajin.
15Q'anpwaq ex saqpwaqqe' kywitzleb' txqantl tnam,
b'incha'nqe' tu'n q'ob'aj.
16Ati kytzi, extzun min nb'ent kyolin;
ate' kywitz, extzun min nb'ent kyka'yin;
17ate' kyẍkyin, extzun min nb'ent kyb'in;
¡mixpeti'x kychwinqlal!
18Ikyqe'xtzun xjalju' nche kub' b'inchankye
exqe'ju' nche okslan kye.
19Kynimanktze' Qman Dyos aj Israel;
exqe'ye' pale, kynimanktze' Qman Dyos;
20Kynimaktze' Qman Dyos aj Leb'i;
kyajwali'nktze' Qman Dyos, aye'ye' nche nimane' te.
21¡Nimanjtzxwitju' Qman Dyos toj Syon
aju' najli toj Jerusalen!
¡Ajwalinjtzxwit Qman Dyos! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
