1¡Ate Qman Dyos nimaqkawil!
¡Qu'mtzun tzalajx tkyaqilju' tx'otx'!
¡Che tzalajxju' swejtx'otx' toj ninnjab'!
2Txoli'n ti'j tu'n muj jupin;
tzyu'n tq'uqb'il kyu'n tnik'alilti'j ex tz'aqli;
3nejliju' q'aq' twitz
ex nche ttz'e'ysa'n tajq'oj txoli'nkyib' ti'j.
4In qoptz'aj twitz tx'otx' kyu'n txloq'lojkya'j;
¡inlu'lunju' tx'otx' aj kyxitka'yi'n!
5Inche kub'niwju' witz kse'n ser
twitz Qman Dyos, ju' tajaw tkyaqil tx'otx'.
6Nyolinju' kya'j ti'ju' tkawb'il;
kykyaqilju' tnam nnok kyka'yi'n tajwalil.
7Inkub'kyi'ju' nche k'ulun kywitz witzileb',
aye' nkynima'n kyib' kyi'j.
¡Kykyaqilju' dyos che kb'el tzipe twitz!
8Nman Dyos,
inxi'x che tzalaju' Syon exqe' nimaqtnam toj Juda
kyi'ju' tchaq'b'ila;
9qu'n atiya Nman Dyos te toj kya'j,
tib'aj tkyaqil twitz tx'otx'
ex nim toklena kywitz kykyaqilju' dyos.
10Inche tk'u'jla'nte Qman Dyos xjal in elkyik'u'n myab'a'n;
intklo'n kychwinqlalju' wa'lqe' toj kyokslab'l;
inche tklo'n tu'n lalun che kub' tz'aq toj kyq'ob'ju' b'inchal myab'a'n.
11In qoptz'aj spik'un teju' b'a'n xjal;
kyekye tnik'alkyi'ju' tzalajb'il.
12¡Che tzalajxe' ti'j Qman Dyos, aye'ye' b'a'n xjal qe'ye',
ex kynimanktzju'ye' tb'i xjan! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
