1E'tzaju' nimaqkawil Resin, aj Sirya, exju' nimaqkawil Peka, aj Israel, tk'wal Remaliy, q'ojil ti'j Jerusalen, kyajb'iltoq tu'n tkub'ti'j kyu'n ex min b'ent. B'aj ja'lu tej toktoq Akas, tk'wal Jotam ex tchman Osiy, te nimaqkawil toj Juda.
2Pontzun tqanil teju' nimaqkawil Akas ex kye toj tja, ikjalu: Matxi' tz'ok kymujb'a'nkyib'u' aj Sirya kyuk'i'l aj Eprayin. E'aq'witzun nimaqkawil lu'lul tuk'ilju' tnam kse'n tze nche yukchi toj k'ul qa njub'in kyq'iq'.
3Tzajtzun tma'n Qman Dyos te Isayiy kjalu: Q'inxa Sear-yasub' ju' tk'wala ex kutxi'ya nelte nimaqkawil Akas ttxa'n tb'e a' jata' nin tk'b'el a', toju' tb'eyil tx'ajb'il,
4q'manxa te kjalu:
Ka'yinxtib'a ex lalun jaw sak'puja;
lalun xob'a ex lalun tz'oka ẍuj
kywitzju' kab'e' ttxa'n si nche qusin,
a Resin kyuk'i'l aj Sirya, exju' tk'wal Remaliy,
nche k'ant tu'n kytx'u'jil.
5Matxi' kyej b'entti'j jun kyxim aj Sirya
kyuk'i'l tyajajil Eprayin ex tk'wal Remaliy, taq'wix ti'ja.
Inkyma'n:
6Qtzyuku' kytx'otx' aj Juda ex che qxob'sanx;
qetzaku' ex qq'oku' tk'wal Tab'el
te nimaqkawil kyxol, chechi.
7Atzunte Qman Dyos ntma'n: ¡Lay japunte' lu!
8-9Ate Damask ttxuylaltnam toj Sirya,
atzun Resin nimaqkawil toj Damask;
ex a Samarya ttxuylaltnam kye tyajajil Eprayin,
atzunju' tk'wal Remaliy nimaqkawil Samarya;
tojtzun oxnaq jwe' (65) ab'q'itl
kb'el naj Eprayin te nintnam;
ikxtzunkye' qa min xten kyokslab'le' axxi'x,
lay che kyajtene' wa'lqe'ye', chi Dyos.
Tkab' pakb'ab'l: ti'tz'jlen Manwel10Ex tma Qman Dyos te Akas:
11Qaninxchaqa te Tdyosa tu'n tb'inchante jun b'a'nq'ob'aj teya tu'n tajb'en tejun techlal, b'a'ntzun tzmax kub'l t-xexi' mujqa tzmax toj ninkya'j, chij.
12Xi'tzun ttzaq'we'n Akas: Lay, lay njoywe' ti'j Qman Dyos tu'nwt txinqani'ne' jun techlal te, chij.
13Xi'tzun tma'n Isayiy te:
Kyb'intze', aye'ye' toj tja Dab'i, nimaqkawil.
¿Ma min nqe kyk'u'je' nche yajune' kyi'ju' xjal,
ex ikx nche yajune' ti'ju' Nmane' Dyos?
14Ja'lo axte Qman Dyos kq'olte jun techlal:
Ch'onwi'ju' txin
k'itz'jel jun tal,
Manwel tb'i k'okyel tq'o'n.
15Kyes ktwa tuk'i'l ta'lkab' toj tne'ẍal.
16Na'mxtoqtzun t-spik'e' tuk'ilju' k'wal,
kjel kolb'e'n kytx'otx'ju' kab'e' nimaqkawil nxob'a kye.
17Ktzajeltzun tq'o'n Qman Dyostz
jun tq'ijlalil b'ajx tzaja' tq'o'naxi'
tib'aja, tib'aju' ttanama ex tja tkawb'ila,
atxi'x telen tpa'ntib' Eprayin ti'j Juda.
(Xi' nyolina lu ti'j nimaqkawil aj Asirya).
18Tojtzu'n tq'ijlalil lu che tzajel tiq'i'n Qman Dyos
ju' xjal najlqe' ttziyile a' Ejipt kse'n txqan a'jin,
ex che tzajel tiq'i'nju' najlqe' Asirya
kse'nqe' onon nche jamun.
19Kykyaqil che ul ex che b'elten
toj nin chq'ajlaj
ex kyoj jyom toj pik,
kyxol txqan ch'i'x
ex janche k'wana' wakx.
20Tojtzu'n q'ij lu k'ajb'elu' nimaqkawil aj Asirya tu'n Qman Dyos
naku'j k'upb'il ntzaj majinet jlajxi' nin a' Ewprates,
kb'je'lel tjon t-xya'mal kywi' aj Israel
e'kyxmatzi e'txya'mal kyxmilal.
21Tojtzu'n tq'ijlalil lu, alqe makub' jun tal twakyix ex kab'e' tal trit
22nim tlech ktenb'el, kwal kyes. Ex kykyaqilju' mache klet toju' xitb'ilte tnam che wal kyes ex ta'lkab'.
23Tojtzu'n tq'ijlalil lu, aju' jun tnej awaltoq te kab'k'al lajnaq (1,000) wi' ub'a ex te kab'k'al lajnaq (1,000) saqpwaq twi', kb'el k'ulix ex ktzajel ch'iy txqan nimaq ch'i'x toj.
24Naq yol txkup kb'antela' kyokx xjal smajil atzu', qu'n tkyaqilju' tx'otx' kb'el k'ulix kb'el noj tu'n ch'i'x.
25Mix-a'lotlte kxe'l kywi'yile witz jannoka'toq awal nej, qu'n ch'i'xiletlte' ex txqan k'ul nimaq. Naq k'ik'leb'l wakx ex rit k'okyela'tl.
Who We AreWhat We EelieveWhat We Do
2025 by iamachristian.org,Inc All rights reserved.
