1Nman Dyos, ¿tiqu'n nkyaja' tena najchaq?,
¿tiqu'n nkub' tewa'ntib'a tojxi'x tq'ijlalil k'ixk'oj?
2Aye' xjal b'inchal taq'wix, tuk'i'l nimjtib'il
nche okten ljoltojkyq'iju' xjal me's;
¡che kub'xwit tz'aq tu'na Dyos tojx kyxpatxab' kub'ni kyq'o'n!.
3Nkynima'n kyib'ju' b'inchal myab'a'n ti'jxju' kyajb'il;
nche txkon taq'wixu' jamjol, ex nel kyik'o'n Qman Dyos.
4Nkynima'n kyib'ju' b'inchal taq'wix, ex min nche jyon ti'ja Dyos.
Mixti'x nkyq'o'n anb'il tu'n kyximan ti'ja Dyos.
5Kukx kych'iyju' toju' nkyb'incha'n.
Najchaq ta' tkawb'ila kye,
min nnel kynik' ti'j.
Nche xmayin kyi'ju' kyajq'oj,
6toj kynab'l qa mix-a'lo' kb'elsantekyi'j,
exqa mixti' che ik'ela'.
7Naqx txkoj il e'chaj yolil
ex wuli'n tokx toj kytzi;
ajkyyolin nkub' kyewa'n yajb'il ex taq'wix nkyb'incha'n.
8Nche kub'ten xq'uqil kyoju' kojb'il,
ex nche kub' kyb'yo'n xjal mixti' kyil toj ewaj.
Majx tokkywitz kyi'ju' tal xjal mixti' kolb'ilkye:
9naku'jxi'xtej jun b'alun toj tjul,
nnxq'uqin tzmax toj tewb'il,
nnayon tu'n txi' t-xontib' kyib'aju' prow,
ajtzun kytzyet tu'n, nchex tjwo'ntzuntz toj t-xpatxab'.
10Nche kub' tz'aqu' mixti' kolb'ilkye toj tq'ob',
majx nche kub'b'aj tjaq' tipumal.
11Chiloju' b'inchal myab'a'n qa matxi' tzik'tna'lju' til,
exqa ntjpu'nte Dyos twitz ex mintlo'n titi' nb'aj.
12¡Iq'i'nktz tib'a Nman Dyos, q'oma te!
¡Lalun tzik' kyna'lu' nt'uẍjne kyk'u'j tu'na!
13¿Nman Dyos, tiqu'n nche xmayina' b'inchal myab'a'n ti'ja,
tu'nju' nkub' kyxima'n qa lay kub' ttz'e'ysa'na kywitz tu'n tpaju' kyil?
14Aku'ya matxi' ka'yinteju' kyil taq'wixi'x;
¡matxi' tka'yita ex kb'el ttz'e'ysa'na kywitz!
In kyoqxena'n kyib'ju' mixti' kolb'ilkye tuk'i'la;
aya nnoninkyeju' meb'a.
15¡Xitunku'ya kyipumalju' b'inchal myab'a'n!
¡Tz'e'ysama kywitz tu'n tpaj tkyaqilju' kyb'inchb'en taq'wix!
16Ate Qman Dyos nimaqkawil tejumajx;
¡che elex t-xla'ja'nju' nche niman kye txqantl dyos ti'jxi' ttanam!
17Nman Dyos, intzaj tb'i'nta kyna'j Dyosu' me's,
intq'uqb'a'na kyk'u'j ex nche tzaj ttzaq'we'na.
18B'inchama tnik'alilti'j teju' meb'a ex teju' nyajlanjtz:
¡tu'ntzun lalun yajuntlu' xjal,
tzajni ti'j tx'otx'!, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
