Sal 85 - Mam Ostuncalco Bible

¡Qo tklom jumajtla!

1Nman Dyos,

matxi' tz'okta majx b'a'n tuk'i'lju' ttanama lu.

matxi' tzaj tanjsa'n jumajtlju'ya ttzalajb'il Jakob';

2matxi' kub' tnajsa'na tilju' ttanama

ex tkyaqilju' kyb'inchb'en myab'a'n;

3majx matxi' kub' nak'e

tq'oja ex ttx'u'jila.

4Nman Dyos ex Klol qeye',

¡qo' tkloma ja'lo

ex lalun tx'u'jintla qi'je'!

5¿Ma kukxtzun tq'ojinju'ya qi'je'?

6¿Ma laytzun tzaj tq'o'n jumajtlju'ya qchwinqlale',

tu'ntzun ttzalaju' ttanama ti'ja?

7Nman Dyos,

¡yek'untza tk'u'jlalila qeye', ex qo' tkloma!

8Kxe'l nb'i'nwe' ktma' Qman Dyos;

qu'n kyolil ti'ju' nak'b'il te ttanam,

kyeju' b'a'n okslalqe' te,

tu'ntzun lalun kyb'incha jumajtlju' myab'a'n.

9Axxi'x nqaku' ta'te Dyos,

kolol kyi'ju' nche niman te;

ktenb'elju' tajwalil twitzju' qtx'otx'.

10Kkymujb'a'kyib'ju' tk'u'jlalil exju' ax,

kkytz'u'li' kyib'ju' nak'b'il tuk'i'lju' tnik'alilti'j,

11kpuqilju' ax twitz tx'otx'

atzu'n tnik'alilti'j ktzalajel twitz kya'j.

12Aku'te Qman Dyos ktzajel q'onteju' jb'al,

ex ktq'a' tawalju' qtx'otx'.

13Kb'el neju' tnik'alilti'j twitz,

ex kb'el tb'incha'nju' tb'e. Chiju' b'itzal.