Is 31 - Mam Ostuncalco Bible

Kyi'ju' nche jyon o'nb'il toj Ejipt

1¡Qab'anx kywitzju' nche'x jyol o'nb'il Ejipt,

exqe' nokqe kyk'u'j kyi'j chej,

exqe' nokqe kyk'u'j qa nim txqan kykarwaj

exqa nim txqan kyxjal kyi'j kychej,

ex min nokqetlkyk'u'j ti'ju' Dyos Xjan kye aj Israel,

min kyjyo'n Qman Dyos!

2Ex ikxte Qman Dyos majxnb'ent tu'n, tu'n ttzaj tq'o'n jun xitb'il,

ex ajtmante jun tyol, min nanjtzti'j tk'u'j.

Kjawil tiq'i'ntib' kyi'ju' xjal b'inchal myab'a'n,

kyi'ju' nche onin kyi'ju' b'inchal taq'wix.

3Xjal qenakye' aj Ejipt, mya dyosqe';

mya xewb'ajqe' kychej, chib'jqe'.

Kb'el ttz'e'ysa'n Qman Dyos kywitz,

kb'elkyi'ju' nche kolon exqe' nche klonjtz;

kykyaqilx che najel.

4Tzaj tma'n Qman Dyos weye' kjalu:

Kse'n jun b'alun makub' tb'yo'n jun rit

min nxob' kyeju' k'ik'lel,

b'a'nqa mab'aj kyb'u'yi'n kyib' kykyaqil

b'a'nqa mache okten ẍch'il xob'salte,

ikytzu'n tzula' Qman Dyos nimtipumal.

klolte ttanam twi' witz Syon.

5Kse'n pich' nt-xq'uqi'n tpaqb'il nlipan tib'ajile,

ikytzu'n ktkla'ya' Qman Dyos Jerusalen;

kt-xq'uqi', oktkla',

kkolol ti'j, ex ktzaqpetel tu'n, chij.

6Aj Israel, kutanjtz kyi'je' tk'etzju'

matxi' che b'inchana' ile' twitz.

7-8Qu'n ajkyel kyik'o'ne'

kykyaqil kywitzleb'e' q'anpwaq ex saqpwaq

eb'ajkub' kyb'incha'ne' tu'n q'el il kyq'ob'e',

atzun q'iju' kb'elti'j Asirya tu'n k'uẍtx'e'nb'il,

ex mya tu'n tipumal xjal.

Tu'nju' q'oj che b'ela' oqju' kyxjal,

aye'tzu'n ku'xun q'ojilqe' che okyel te lq'o'n majin;

9kb'el oqju' kynimaqkawil tu'n xob'il,

aye'tzu'n kynejel kjel kytzaqpi'n kb'ander.

Aku' Qman Dyos inq'mante ja'lu,

ati jun ninq'aq' b'incha'n tu'n toj Jerusalen

tu'n ttz'e'yset kywitzju' tajq'oj.