1¡Nimanjtzxwit Qman Dyos, klol weye'!
Inchin t-xnaq'tza'ne' ex ntzaj tyek'u'n weye'
tu'ntzun tb'ent wu'ne' toj q'oj;
2ate tb'anil wamiwe', jun kolb'il wib'e',
nin e'wb'il wib'e' ex tzaqpib'l weye';
ate kolb'ilweye', atzu' nnoka' nklo'nwib'e' ti'j;
ate inche kub' q'onkyeju' tnam tjaq' nkawb'ile'.
3Nman Dyos,
¿titi' toklenju' xjal, tu'nju' nximana ti'j?
¿Ti'xi'xtzu'n toklenju' wnaq, tu'nju' kye tilwi tu'na?
4Ikyte xjalju' kse'n jun jiq'chan;
inik'ju' tchwinqlal kse'n jun leku'n.
5Nman Dyos,
jqomju'ya twitz kya'j ex kutku'tza;
yekunqe'xju'ya witz tu'ntzun kysb'en;
6xonqe'xju'ya t-smaja, aye' q'ankyaq,
ex b'inchama tu'n kyb'aj oqju' tajq'oja.
7Q'ontz tq'ob'a tzmaxtzu' jawnixi',
ex chin tkloma teju' ninnjab' nimxi'x;
chin tkloma te kyipumalju' xjal te junxi'tl tnam,
8kyeju' xjal nche chanyol
ex njaw kyiq'i'n kyb'a'nq'ob' te tziyb'il kychajyolil.
9Nman Dyos,
kxe'l nb'itzane' jun ak'a'j b'itz teya;
che kxe'l nb'itzane' b'itz teya tuk'i'l chnab' tzintzin.
10-11Tu'na nche kanb'ana'ju' nimaqkawil;
aya klonte Dab'i ju' tmajena,
chin tkloma teju' k'uẍtx'e'nb'il te b'iyb'il;
chin tkloma toj kyq'ob'ju' xjal te junxi'tl tnam,
kyeju' chalyol
ex njaw kyiq'i'n kyb'a'nq'ob' te tziyb'il kychajyolil.
12Che ch'iyxwitju' qk'wal kse'n awal toj awb'il;
ikyqe'wt qmyale' kse'nqe' tqan ja tb'anil b'inchb'enkye
nche ajb'en te tkuwal tja Dyos.
13Che nojxwitju' qk'ujaye',
tu'n tkyaqil twitz awal te wab'j.
Che poq'onxwitju' qrite'
che chmet-xwit txqan kyajlal toju' qkojb'ile'.
14Kyiqaxwit kyalju' qwakyixe',
ex japunxwit kyq'iju' kyal.
Mixwitti' sich' te xob'ajil kyoju' qxk'ichb'eye'.
15¡Tzalajb'ilte' teju' tnam ati tkyaqil ja'lu te!
¡Tzalajb'ilte' teju' tnam in ajb'en teku' Qman Dyos! chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
