Sal 61 - Mam Ostuncalco Bible

Tu'n tqe qk'u'j ti'ju' kolb'il tu'n Dyos

1Nman Dyos, b'intza tq'ojq'ojel nwi'ye' toj k'ixk'oj;

¡b'intza nna'j Dyose'!

2Inchin kub'sane' twitza tzmaxtzu' toj mankb'il ttxa'n tx'otx',

qu'n kxi' nkub'aje'.

Chin tkloma tib'aj jun pik nimin twe',

3ana'ya kolb'ilweye'.

¡Ikju'ya kse'n jun ja nimin twe' ex kuw

inchin tklo'na kyeju' wajq'oje!

4Wajb'ile' tu'n ntene' toju' tjaya tejumajx,

tu'n nklete' tjaq' t-xik'a.

5Matxi' che tzaj tb'i'nta nyole' xintziya'ne' teya, Nman Dyos,

ex matxi' tzaj tq'o'nju'ya wetzb'ile'

ti'j kyetzb'ilju' nche niman te tb'iya.

6Q'ontza tchwinqlalju' nimaqkawil nimtoj;

tz'anq'inxwit b'a'npun ab'q'i,

7ex kawinxwit kukxju' tuk'i'l tky'i'wb'ila.

Xq'uqima tuk'i'l tk'ujlalila ex tyola ax;

8tu'ntzun nb'itzane' ti'ju' tb'iya kukxju'

ex kche japumelwe' nyol tziya'ntl wu'ne' twitza atl junjun q'ij, chiju' b'itzal.