1Atitoq jun ichan Mikayiy tb'i, najlitoq kywi'witz te Eprayin,
2-3jawtz tma'n til te ttxu ikjalu:
—Ate' kab'k'al o'lajnaq (1,100) t-saqpwaqa xi' elq'a'n, ex xitqani'na taq'wix tib'aju' eleq' tu'n tpaj, lu te' ati wuk'i'le'. Ayinwe' nxi' elq'ante; ja'lo kxel wanjsa'n ti'je' teya, qu'n nb'iye' teya qa ojetoq txitq'o'na toj tq'ob' Qman Dyos tu'n t-xitq'a' b'incha'ya jun tilb'ilal ktxu'nti'j tu'n saqpwaq, chij.
Xitanjsa'n ti'ju' saqpwaq. Xitzun tma'n ttxu te:
—¡Awt Qman Dyos k'i'wlanteya wal! chij.
4T-xilenxi'tzun tanjsa'n Mikayiy pwaq te ttxu, xitq'o'n ttxu lajnaq (200) saqpwaq te jun b'inchal tilb'ilal tu'n tkub' tb'incha'n jun tilb'ilal tx'no'n ex ktxu'n tu'n saqpwaq, xitiq'i'ntzuntz tja Mikayiy.
5Atitoq jun ja te k'u'lb'il tja Mikayiy. Ex kub' tb'incha'n jun ẍa'y ex e'twitzleb' toj tja, ex oktq'o'n jun tk'wal te pale.
6Mixtoqna'ti' nimaqkawil toj Israel toju' tq'ijlalil lu, teyile junjun intoq tb'incha'n aju' b'a'n toj twitz.
7Atitoq jun ku'xun toj B'elen tyajajil Juda, aj Leb'i, mixti' tja.
8Etzju' ku'xun lu toj B'elen jyol juntl najb'il jatu'n tkub'a najan, intoqtzun b'et kywi'witz te Eprayin, kanun tja Mikayiy.
9Xitzun tqani'n Mikayiy te: —¿Jasaja'ya? chij.
Xittzaq'we'n ku'xun te: —Xi' ẍin tzaja'ye' B'elen, aj Leb'i qine' ex nchin jyone' jatu'n nnajana'ye', chij.
10Xi'tzun tma'n Mikayiy te ikjalu:
—Tenkja wuk'i'le' tu'n toka te npaleye' ex naku'j nmane'. Kxel nchjo'na tu'n lajoj (10) saqpwaq toj jun ab'q'i tib'ajxi' t-xb'aluna ex ti'ja, chij.
11Kub'tzun toj twitz aj Leb'i tu'n tkyejten najal tuk'i'l Mikayiy ex ok naku'j jun tk'wal.
12Oktzun tq'o'n Mikayiy te tpale, kyejtzun ten aj Leb'i najal atzu'.
13Kub'tzun t-xima'n Mikayiy qa atixi'xtoq tk'i'wb'il Qman Dyos tib'aj, qu'n aj Leb'i toqna' ati te tpale.
Who We AreWhat We EelieveWhat We Do
2025 by iamachristian.org,Inc All rights reserved.
