1Tzaj yolin Qman Dyos weye', ex tma:
2Ichan, q'manxa te nimaqkawil aj Tiro:
Chi Qman Dyos kjalu:
Majaw tnima'ntib'a toj tanmiya,
ex makub' t-xima'na qa jun dyosa
q'uqliya toj kyq'uqb'il dyos
npiq'chaj ninnjab' ti'jileya.
Myana' dyosta, ichan na'ta
toj tnab'la qa nkane toj twitza se'n jun dyos.
3¿Ma atixi'xtzunta tnab'l kyetwitz Danyel?
¿Matojtzqi'na tkyaqilju' ti'xti' e'wa'n?
4Machmet txqan tq'inumala
Tu'n tnab'la ex k'atza,
macheb'aj noj tkajona tu'n q'anpwaq ex saqpwaq.
5Matxi' chmet txqan tq'inumala
tu'nju' b'a'n xk'aẍlina,
ex majaw tnima'n tib'a tu'n q'inumal.
6Qu'mtzun chi Qman Dyos kjalu:
ina' kub't-xima'na qa nkaneya ti'j kse'n jun dyos,
7che ulel wiq'i'ne' najchaq xjal ti'ja;
aye' maj txkup xjalqe',
che q'ojil ti'ja tuk'i'l kyk'uẍtx'e'nb'il,
aya xa'wanku'xi'xa ex atixi'x tnab'la.
ex kb'el xonju' toklena twitz tx'otx'.
8Kxel mulq'i'na tzmax t-xexi' jul,
b'yonkamik kkyimela'ya totk'u'j ninnjab'.
9¿Ma kukx t-ximanteju'ya qa jun dyosa,
ajtpon takpuja kywitzu' tajq'oja?
¡Naqna' jun tal xjalta
toj kyq'ob'ju' che b'el b'yonteya!
10Toj kyq'ob' najchaq xjal kkyimela'ya,
kse'n nche kyima' k'lul junxi'tl dyos.
Ayine' Dyos Manb'aj matxi' chin yolin;
matxi' txinma'ne' nyole', chi Dyos.
B'itz te kyimni ti'ju' nimaqkawil aj Tiro11Tzaj yolin Qman Dyos weye', tma:
12Ichan, b'itzanxa jun b'itz te kyimni ti'ju' nimaqkawil aj Tiro, kjalu:
A ntma'n Qman Dyos ja'lu:
Atoqa yek'b'ilteju' ttzinunal;
nimtoq tnab'la ex xa'wanku'xi'xa.
13tojtoq Eden tawal Dyos ta'ya,
ate'k tkyaqil ch'ix tb'anil ab'j ti'ja:
aye' rub'i, krisolit, jade,
topasyo, kornalina, jaspe,
sapiro, kranate ex esmeralda;
q'anpwaq qe'toq tachb'ila ex tot-ẍkyina,
b'incha'nqe' atxi'x tb'inchanjtza.
14Kyej nq'o'ne' jun kyerb'in ka'yilteya,
atitoqa twi' witz xjan weye'
ex intoq b'eta kyxolju' che'w.
15ttzinunal toqju' tchwinqlala
tzajx toju' q'ij tkub'incha'na
tzmax tej tb'inchan ila.
16q'ojina ex chmet tila
tej xchmet t-xk'a'ẍle'na.
Ex nq'o'ntzuntza nwitze';
el nxla'ja'na twi' witz weye',
ex etzq'i'na kyxolju' che'w
tu'n kyerb'in intoq klolteya.
17Jaw tnima'n tib'a tu'n xa'wanku'xi'xa;
kub'tzpet tnab'la tu'n t-xa'wanku'yila.
Makub' nxona twitz tx'otx',
matz'el tch'ixawa wu'ne'
kywitzku' nimaqkawil.
18Nim txqan il xb'aj tb'incha'na,
majxkub' tzu'wixa toju' txk'aẍle'na,
majx soktena tz'ilsalkye tjaya te k'u'lb'il.
Matzun jawb'ent jun q'aq' wu'ne' toja
tu'n tb'aja tu'n.
Kykyaqil che ka'yilteya ja'lo,
naq tza'jtla twitz tx'otx'.
19Kykyaqilju' nimaqtnam ojtzqilteya
nche jawsak'puj ajtka'yinjtza kyu'n.
Xob'ajilx soka'ya;
¡majx matxi' kub'najsa'na! chi Dyos.
Tpakb'alju' tzul ti'j Sidon20Tzaj yolin Qman Dyos weye', tma:
21Ichan, kutxi'tla Sidon ex q'manxa toj nb'iye' titi' tzul kyi'j.
22Q'manxa kye:
Intma'n Qman Dyos kjalu:
Chin okyele' te kyajq'oje' aj Sidon,
chin jawil nima'ne' kyxole'.
Knyek'u'ye' qa xjan qine'
ajtkub' ntz'e'ysa'ne' kywitze',
k'eleltzun tnik'tziltz qa ayine' Dyos Manb'aj.
23Ktzajel nq'o'ne' yab'il kyi'je',
ex kqojlel chik' kyoju' kyxk'ichb'eye';
che kyimele' najlqe'ye' toj kytaname',
che b'yonjtzele' tu'n k'uẍtx'e'nb'il toj tkyaqil plaj.
K'eleltzun tnik'tziltz qa ayine' Dyos Manb'aj.
24Lay che yajtitlkye' aj Israel
kyu'n kych'i'xal ex kyk'ixk'ojal
ik'b'ilkye kyu'n tnam ate' kyi'jile.
K'eleltzun kynik'tz qa ayine' Dyos Manb'aj.
25Nxinma'ne' ayine' Dyos Manb'aj: ktzajel nb'u'yine' tnam Israel kyxolju' nimaqtnam jasputi'na'kyib', ex kxel nyek'une' kywitzku' nimaqtnam qa xjan qine'. Che kb'el najan aj Israel tojku' kytx'otx', ju' xinq'o'ne' te nmajine' Jakob'.
26Atzuntzu' che najala' b'a'n ex mix-a'lo' yekulkye, kb'jawil kyb'incha'n kyja ex k'okyel kyawal. Ayine' chin tz'e'ysalte kywitz kykyaqilju' najlqe' nqaku' kyk'etz, aye' nche el ik'onkye aj Israel. Oktzun k'elel tnik'tziltz qa ayine' Dyos Manb'aj, janche ajb'ena' aj Israel, chi Dyos.
Who We AreWhat We EelieveWhat We Do
2025 by iamachristian.org,Inc All rights reserved.
