1Tzaj yolin Qman Dyos weye', ex tma:
2Kutxi'tla, ichan, kyuk'i'l aj Amon ex yolina kyi'j toj nb'iye' kye.
3Q'manxa kye tu'n tkub' kyb'i'n nyole' nxinma'ne' kye kjalu: Ojexi'x che ẍch'inkye' tu'n kytzalajb'ile' tej kyka'yinteye' tkub'txa'ju' njaye', xitjnitlju' tx'otx' Israel ex eb'ajxq'i'nju' xjal najlqe' toj Juda toj juntl tx'otx'.
4Tu'ntzun tpaju' lu che kxe'lnq'o'ne' toj kyq'ob'ju' tnam te tjawetzq'ij, tu'n tkub' kytzyu'n kytx'otx'e', tu'n kyjaw kyb'incha'n kyxmuj ex tu'n kyjaw kyb'incha'n kyja atzu'. Aye' che walteju' kyawale' ex che k'walte kyleche'.
5K'okyel Rab'a wu'ne' te kywab'l kamey, exju' Amon te kywab'l rit. K'eleltzun kynik'tze' qa ayine' Dyos Manb'aj.
6Ayine' Dyos Manb'aj nchin q'mante: Oje che poq'chan toj kyq'ob'e' aj Amon ex exlik'pune' tu'n kytzalajb'ile', ex matxi' tz'el kyik'o'ne' Israel.
7Qu'mtzun kjawil wiq'i'n nq'ob'e' tu'n ttz'e'yset kywitze' ex tu'n kyxi' nq'o'ne' toj kyq'ob' nimaqtnam, tu'n tb'je'l kyiq'i'n tkyaqilju' ati kyeye'. Che jawitz nxb'onqi'ne' kyxol tnam, che b'elnnajsa'ne' kyxol nimaqtnam, majx che b'elnxitu'ne'. K'eleltzun kynik'tze' qa ayine' Dyos Manb'aj.
Tqanilju' tzul ti'j Moab'8Kxe'l nma'ne' ayine' Dyos Manb'aj: Inkyma'n aj Moab' ex aj Seyir qa junx Juda kyuk'i'l kykyaqilju' nimaqtnam.
9Qu'mtzun knjqa'ye' jun b'e ttx'u'k Moab', ex che b'elnnajsa'ne' nimaqtnam ttxa'npun toj jun plaj ex toj jun plajtl, aye' tb'anil nimaqtnam: B'et-jesimot, B'aal-meon ex Kyiryataym.
10Knb'incha'ye' tu'n tkub' kytzyu'n tnam te tjawetzq'ij kytx'otx' tib'ajxi'tlju' kye aj Amon, mix-a'lo'tlte ktzajel na'nkye aj Amon kyxolju' nimaqtnam.
11Kb'el ntz'e'ysa'ne' kywitz aj Moab', k'eleltzun kynik'tz qa ayine' Dyos Manb'aj, chi Dyos.
Tqanil ti'j Edom12In nma'ne' ayine' Dyos Manb'aj: Matxi' tz'ok t-xel te Juda tu'n Edom, tu'ntzun tpaju' ati til.
13Qu'mtzun inma'ne' ayine' Dyos Manb'aj: K'okyel nq'ob'e' ti'j Edom tu'n ttz'e'yset twitz ex tu'n kykub'yetju' xjal toj exqe' alu'mj. Kjel nxitu'ne' tzajx Teman ponx Dedan, che kyimelju' xjal tu'n k'uẍtx'e'nb'il.
14Knq'a'ye' tu'me'l t-xel te Edom tu'nel ntaname' Isarel; ktb'incha' te Edom kse'nxju' ntx'u'jile' ex nq'oje. K'eleltzun kynik'tz se'nju' tu'me'l t-xel wu'ne'. Ayine' Dyos Manb'aj nchin q'mante, chi Dyos.
Tqanilju' tzul kyi'j pilistey15Ayine' Dyos Manb'aj nchin q'mante: Matxi' kyaq'xi' pilistey tu'me'l t-xel, matxi' kyaq'xi' t-xel tuk'i'l ik'b'il toj kyanmi; matxi' che ok ajq'oj ti'j Israel ttzajlenx ojtxi', matxi' che xitunxi'.
16Qu'mtzun inma'ne', ayine' Dyos manb'aj: k'okyil nq'ob'e' kyi'j pilistey tu'n ttz'e'yset kywitz, che b'elnnajsa'ne' kyeretey ex che kb'el nb'yo'ne' ate'x mlaj.
17Knq'a'ye' tu'me'l t-xel kuwxi'x kye; kb'el ntz'e'ysa'ne' kywitz tuk'i'l ntx'u'jile'. Ajtzun nb'inchanteye' lu, k'elelkynik' qa ayine' Dyos Manb'aj, chi Dyos.
Who We AreWhat We EelieveWhat We Do
2025 by iamachristian.org,Inc All rights reserved.
