Sal 82 - Mam Ostuncalco Bible

Ate Dyos ajkawil tib'aj tkyaqil

1Q'uqlite Dyos toj tkawb'il toj kya'j

ex nchaq'un kyib'aju' ajkawil kjalu:

2¿Ma kukx nxi' kypoqo'nju'ye' tuk'i'l chajyolil

ex q'o'n kyib'e' kukxju' kyuk'i'l b'inchal myab'a'n?

3¡Kyb'inchame' tnik'alilti'j teju' numjni ex teju' meb'a!

¡Kyb'inchame' tnik'alilti'j teju' prow ex teju' ati nojqelan te!

4¡Che kyklomju'ye' mixti' kyipumal ex prow,

che kyklome' toj kyq'ob'ju' b'inchal taq'wix!

5Aye'tzunkye' min nb'ant kyu'ne', min nok toj kywi'ye';

toj qxopin nche b'eta'ye'.

Inxi'x yukchi tx'otx' kyu'ne' ex mixti'x nkych'exb'e'n kynab'le'.

6Nmaye' qa dyos qe'ye';

ex kykyaqilxe' nk'walqe'ye' ayine' Dyos te toj kya'j.

7Tu'npetzunju', che kyimele' kse'nqe' kykyaqil xjal,

¡che b'eltz'aqe' kse'n jun nimaqkawil min xkawin b'a'n! Chi Dyos.

8¡Atzun Nman Dyos, tzajku'ya kawil twitz tx'otx',

a na'ta kyajaw kykyaqilju' nimaqtnam! Chiju' b'itzal.