1Nman Dyos, luqine' nchin ayone' teya,
¡naqnchin ayontle' tu'n kyxi' nb'itza'ne' b'itz!
qu'n a ntzalajb'ilju'ye';
2Kyna'ntzkyib'e' chnab' arpa ex tzintzin;
¡Kchin jawil we'ye' ajttzaj t-xe kya'j!
3Kjawil wajwali'na Nman Dyos kyuk'i'l b'itz,
kyxol k'ok'e' ex nimaqtnam.
4Qu'n nimxi'xju' tk'u'jlalila kyekywitzju' kya'j.
¡Inpon kanunju' tyola ax, tzmax twitz ẍkul kya'j!
5¡Nman Dyos, aya atiya tib'ajxi' kya'j;
nojni tkyaqil twitz tx'otx' tu'n tajwalila!
6Qo' tkloma tu'n tipumala,
tu'ntzun kykletju' nche tk'u'jla'na.
¡Qo ttzaq'wetza!
7Tzaj tma'n Dyos tzmaxtzu' toju' tja xjan:
¡Kb'el waq'pu'ne' Sikyem tuk'i'l tzalajb'il
ex kxe'l nsipa'nju'ye' b'ya' Sukot!
8Weqe'we' Kalaad ex Manases;
ate Eprayin jun kolb'il tokx toj nwi'ye';
atzu'n Juda ntzeye' q'ol nchaq'b'ile';
9Atzu'n Moab' nk'o'ẍe' te ntx'ajb'ile';
atzun Edom naqtkb'el nxajab'e';
¡kchin b'itzale' te kanb'ab'l kyib'aju' pilistey! Chij.
10¿Alxi'xkye k'onil weye' tu'n tkub'ti'ju' nintnam jpu'mile ti'j tu'n nimaqtapi?
¿Alkye kpomil iq'inweye' tzmax toj Edom?
11Matxi'na' qo eltik'o'na Nman Dyos;
¡min nnultla onilkye qxjale' toj q'oj!
12Qo tonima toj kyq'ob'ju' qajq'oje',
qu'n mixti'x tz'oka'te' o'nb'il kyu'n xjal.
13Kb'entel nimaq ti'xti' qu'n tu'n tonb'il Qman Dyos;
¡ate kb'el najsankye' qajq'oj! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
