1Kyb'intzpe'ye' aj Israel aju' ntma'n Qman Dyos teju' tnam etztiq'i'n toj Ejipt:
2Naq o'qe'kxe' ẍe jawnsk'o'ne'
kxol kykyaqilju' tnam twitz tx'otx'.
Qu'mtzun che okyele' wu'ne' toj xjel
tib'aj tkyaqilju' taq'wix matxi' kb'inchaye'.
3Qa nche b'et kab'e' xjal junx, q'ancha'lxi'x qa kyekten;
4Qama jaw tzanun jun b'alun toj k'ul, inel tnik'tzil qama knet jun tchi';
qa ntzanun jun tal b'alun toj tjul, inel tnik'tzil qa matxi' tzyet jun ti'xti' tu'n;
5qama ku'tz tz'aq jun pich' twitz tx'otx',
inel tnik'tzil qa atitoq jun xpatxab';
qama kub' japtz'aj jun xpatxab',
inel tnik'tzil qa ati xkyej toj;
6qama jaw q'ajti chun toj nintnam, nche jaw lab'ti xjal;
qa ati jun taq'wix saj toju' nintnam, ate' Qman Dyostzu' saj q'onte.
7Mixti'te jun ti'xti' ntb'incha'n Qman Dyos
qa na'mxtaq ttzaj tma'n nejtl kyeju' tmajenju' t-sanjelal.
8¿Alkye jun min jawlu'lun tu'n xob'el ajtjaw tzanunju' b'alun?
¿Alkye lay yolin toj tb'i Qman Dyos, qa a xq'mante?
Xitb'il ti'j Samarya9Kpakb'anxe' kyoju' tja kawb'il toj Asdod
ex kyoju' tja kawb'il toj Ejipt, kjalu:
Kuktzaje' kwi'ju' witz te Samarya;
kyka'yinxju'ye' xitb'il ati toj
exju' yajb'il nb'aj kxol xjal atzu'.
10Chiku' Qman Dyos:
Minti' nche anq'inju' xjal lu toj tnik'alilti'j;
inb'ajx kyk'u'nju' kyelaq' xb'aj kykanb'a'n toj q'oj kyoju' tja kawb'il.
11Qu'mtzun ntma'n Qman Dyos:
K'okyel txoli'n ti'ju tnam tu'n jun ajq'oj,
kb'el tx'u'yi'nju' tipumala
ex kb'je'litz telq'a'nju' toj tja kawb'il.
12Chi Qman Dyos kjalu:
Kse'n jun k'ik'lel nklet kab'e' tqan mujqa jun t-ẍkyin jun rit tu'n toj ttzi jun b'alun,
iktzu'n che tzaqpajela' aj Israel najlqe' toju' tnam Samarya,
aye' kuẍlqe' kyib'aju' tb'anil kuẍb'il nche tzaj Damask.
13Chi Qman Dyos nimtipumal ntma'n:
Kyb'intzpe'ye' ex kyolinxju'ye' tnam te Jakob',
14toju' q'ij ajkyoku' aj Israel wu'ne' toj xjel ti'ju' kyil,
che b'elnxitune' q'olb'eb'l toj B'etel;
che elel tx'emitju' tuk'a q'olb'eb'l
ex che kb'eltz'aq twitz tx'otx'.
15Che kb'el nxitu'ne' ja b'incha'nqe' te jb'alil ex te q'ijal,
che kb'el nb'ajsa'ne' ja b'incha'nqe' te b'aq
ex che kb'el nxitu'ne' nimaq tja kawb'il.
Iku' chi Qman Dyos.
Who We AreWhat We EelieveWhat We Do
2025 by iamachristian.org,Inc All rights reserved.
