Is 42 - Mam Ostuncalco Bible

Tmajin Qman Dyos

1Lu nmajine' lu, tzyu'n wu'ne',

sk'o'n wu'ne', nchin tzalaje' ti'j.

makub' nq'o'ne' nxewe' tib'aj

tu'n tultiq'i'n tnik'alilti'j kye kykyaqil nimaqtnam.

2Lay ẍch'in, lay jaw toj twi',

lay b'injtz tq'ojq'ojel twi' toj b'e,

3lay kub' ttoqi'nxi'xtlju' ajlaj toqnitl

ex lay kub'tyupi'n ttxa'n tzaj ch'inxtl tkub'yupj.

Axxi'x tzulte' tnik'alilti'j tu'n.

4Lay tz'ojlan ex lay kub'aj tipumal,

tzmax ajtkyajb'entju' tnik'alilti'j twitz tx'otx' tu'n.

Che kb'el tenju' tnam ttzi ninnjab' b'ilteju' t-xnaq'tzb'il, chi Dyos.

5Aju' Qman Dyos, b'inchante kya'j ex xit-slik'u'n,

b'inchante tx'otx' exqe' nche tzaj ch'iy twitz,

ju' nq'onte kychwinqlal ex kyxewju' xjal najlqe' twitz,

intma'n teju' tmajen kjalu:

6Tzaj ntxko'na, ayine' Dyos Manb'aj,

ex tzaj nxqno'ne' tq'ob'a,

tu'n toka te kolb'ilkye xjal;

ayine' nkub'inchanteya, wajb'ile' tu'n toka

te techelju' nyole' kyejni b'entti'j tuk'i'lju' tnam,

ex te spik'un kyeju' nimaqtnam.

7Wajb'ile' tu'n tjqonteya kywitzju' moẍ

ex tu'n kyetz tiq'i'na ate'kx toj kars,

toju' jul ja najlqe' toj qxopin.

8Ayinwe' Dyos Manb'aj, a nb'iju'ye' lu,

ex lay waje' tu'n txiq'o'n wajwalile' te juntl

ex lalun che jaw nima'n witzleb' te nxele'.

9Mache japun kykyaqilju' nmaye' ojtxi',

atzu'n ja'lo che kxe'l nma'n txqantle' ti'xti' ak'a'j;

che xelnma'ne' kyeye' na'mxku' kyq'ancha'lix, chi Dyos.

B'itz ajwalb'ilte Dyos tu'nju' kolb'il tu'n

10kyb'itzanxe' jun b'itz ak'a'j te Qman Dyos;

kyajwalinktze' aye'ye' najlqe'ye' najchaq

aye'ye' nche b'ete' toj ninnjab'

exqe' txkup najlqe' toj,

e'tnam ate' ttzi ninnjab' exqe' najlqe' kyoj.

11Che tzalajxju' chq'ajlaj ex nimaqtnam kyoj

exqe' kyxmuj tyajajil Kyedar.

Che b'itzanxju' najlqe' Sela tu'n kytzalajb'il;

jawxwit tq'ojq'ojel kywi' tzmax kywi' witz.

12Che nimanxwit te Qman Dyos

txi'wt kypakb'a'n ajwalb'ilte kyoju' tnam ttzi ninnjab'.

13Kxe'l Qman Dyos q'ojil kse'n jun xjal kuw

okxi'x q'ojil kse'n jun q'ojilxi'x;

kjawil toj twi', kjawil t-ẍch'i'n q'oj

ex kb'elkyi'ju' tajq'oj tu'n.

14Chi Qman Dyos kjalu:

Min ẍin yoline' toj nim tq'ijlalil,

naq ẍinkyejnumeye', mixti'te xnmaye';

atzu'n ja'lo chin ẍch'ile' kse'n jun qya ajtitz'ji tal,

in oq' ex nxi'x xepjne.

15Che b'elnxitune' nimaq k'ul ex witz,

ex kjel tzqij tkyaqilju' k'ul wu'ne';

che kjel chq'ajlajixju' nimaq a' wu'ne'

ex che kb'el tzqiju' njab' wu'ne'.

16Che kxe'l wiq'i'ne' moẍ kyoj b'e

ex kyoj jutz'b'e min ojtzqi'n kyu'n.

K'okyelju' qxopin wu'ne' te spik'un kywitz,

ex che b'el nplansa'ne' witz.

Ilti'j che nb'incha'ju'ye' lu.

17Aye'kye' q'uqli kyk'u'j ti'j jun witzleb',

ex nxikyma'n kye tilb'ilal kjalu:

dyosqe'kye' qeye', qa chechi,

che kxe'l oqkye' tu'n kych'ixaw, chi Dyos.

E'kub' moẍix aj Israel

18Kyb'intzpe'ye', chkyin;

tz'elx kynik'e' ex kyka'yinxe', moẍ.

19Mix-a'lo'te' jun moẍxi'x ex chkyin

kse'n nmajine', ju' chq'o'n wu'ne',

mix-a'lo'te moẍxi'x ex chkyinxi'x

kse'n nsanjelale', ju' nmajine'.

20Nim ti'xti' matxi' til ex min neltnik' kyi'j;

in b'in, extzun mixti'xte ntb'i'n.

21Tajb'ilte Qman Dyos, tu'nju' nkolon,

tu'n tokju' t-xnaq'tzb'il nim toklen;

22intzun elq'anjtzju' tnam lu, nb'je'tz iq'i'n ti'xti' toj,

matxi' che b'jo'kx jpu'n kykyaqil,

matxi' che b'jo'kx jpu'n kyoj jul qxopin;

nche'x iq'i'n ex mix-a'lo'te jun tzaqpilkye;

nche'x iq'i'n, ex mix-a'lo' kolpilkye.

23¿Alkyetzun junkye' nxib'i'nte ja'lu?

¿Alkye ktq'a'tib' tu'n tb'inteju' kb'ajel yajxi'tl?

24¿Altzunkye sajonte tu'n tkub'ti'j

ex tu'n txi' iq'i'n tnam tyajajil Jakob'?

¿Ma myatzun Qman Dyos?

E'b'inchan il twitz Qman Dyos,

min kyaj tu'n kyxi' toju' b'e kyej tyek'u'n kye,

ex min xikynima'n t-xnaq'tzb'il.

25Qu'mtzun tzaj ttx'u'jil kyi'j ex kub' ttz'e'ysa'n kywitz

tu'n jun q'oj kuwxi'x ojexi'x e'tak' naku'j tu'n q'aq';

tu'npetzunju' mixti'x ok toj kywi'.