1Aye'ye' nimaq kyoklene',
¿ma ax, ma nkyb'incha'ne' tz'e'ysb'il witzb'aj tojxi'x tu'me'l
ex manche kawine' tojxi'x ttxolilti'j?
2Minti', inpena' che kawine' tuk'i'l kyxime' myab'a'n;
nb'aj qojli chik' kyu'ne' toj tkyaqilju' tx'otx'.
3Majx nche tzajb'entju' b'inchal taq'wix exqe' chalyol
toj t-xmilalju' kytxu.
4Ikyqe' kse'n kan wotz, ati kyb'i'yb'il
ikyqe' kse'n jun kan ati tb'iyb'il
naq nkub' t-ẍkyinsa'n tib'.
5Min tajb'il tu'n t-xitb'i'n tchinab'ju' mansil kan
ju' nxitq'ajtza'n tu'n tmanset.
6Taye, ¡q'uchimitzju'ya kywitzte!
Nman Dyos, ¡q'uchimitza kykaju' b'alun na'j!
7Che kub'xwit naj kse'n a' ajtik' qojli,
che kub'xwit tzqij kse'n k'ul toj b'e.
8Che kub'xwit yulj kse'n xqortxa'n tu'n atz'an,
¡kse'n jun k'wal min tkno'n tq'ij!,
9mixwitti' kynab'en ti'j ajkytzyet tu'n q'aq' kse'n ch'i'x ajkytz'e'y;
che jawxwit xb'oqi'n tuk'i'l tx'u'jilj, kse'n cha'x k'ul.
10Ktzalajelju' xjal tnik'alti'j ajtok tu'me'l t-xel tu'n;
¡ajtb'aj twab'e'n tchk'elju' b'inchal myab'a'n!
11Kq'manjtzeltzuntz.
¡Tb'anilxi'xte' qa tnik'alqi'j!
¡Qu'n ati jun Dyos nkawin tib'aj tkyaqil twitz tx'otx'! Chiku' kq'umjeb'el. Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
