Os CHIK'B'AB'L - Mam Ostuncalco Bible
CHIK'B'AB'LAxjunte Osey ok nimaq t-sanjelal Dyos toju' tkab' jo'k'al (800) ab'q'i na'mtoq titz'ji Krist. Pakb'an Osey kye aj Israel, kyeju' nche' kawin toj tb'a'nq'ob'kya'j, ti'jxi'tl Amos. Yajti Osey tu'n tpaj mje tuk'i'l jun qya ajpajil, kub' tnajsa'n tilju' qya ex xitiq'i'n te t-xu'jil, pakb'an kuw ti'ju' twitzileb'in tnam, ex oktq'o'n kse'nju' ajpaji'n kse'n tpakb'a Jeremiy yajxi'tl. Qu'mtzun tzaj ttx'u'jil Dyos kyib'aj aj Israel tu'n tpaju' kyb'inchb'aj. Atzunte Dyos tu'nju' nimxi'x tk'u'jlalil, inxi'x tk'u'jla'n ttanam, maskye min nche okslan te, qu'mtzun njyonte Dyos kyi'j, nkub' tnajsa'n kyil, nche' etzti'n toj il ex nkub'san tu'n tanjtz jumajtlkyi'j tk'etz.Atzun tb'is tk'u'j tpakb'ab'l Oseyju'. Toj oxe' aq'pun ta'ya' tuj Osey: Aju' tnejel nyolin ti'ju' tmjeb'le'n Osey (Caps. 1-3). Atzu'n tkab' nyolin kyi'j aj Israel tu'nju' e'ok ajpajil twitz Dyos (Caps. 4-13). Atzu'n toxi'n ntxokon kye aj Israel tu'n tanjtzti'j kyanmi ex tu'n tanjtzkyi'j tk'etz Dyos tu'ntzun tkub'najsa'n kyil (Cap. 14).
