Sal 3 - Mam Ostuncalco Bible

Na'j Dyos qanb'il o'nb'il te Qman Dyos

1Nimu' wajq'oje, Nman Dyos,

nimqe' matxi' che b'jo'k miltz'uj wi'je',

2¡nim xjal inq'mante wi'je':

Mixti'tlte' kolb'ilte tu'n Dyos! chechij.

3Atzunta Taye,

aya klol weye' b'a'nxi'x,

nim woklene' tu'na,

aya in kuwsante wanmiye'.

4Njaw tq'ojq'ojel nwi'ye' tu'n nqanin o'nb'ile' te Qman Dyos

ex nchin tzaj ttzaq'we'ne' tzmajx twi' witz xjan.

5Ajnkub' kẍeye' ex ajwik'wtane', ex ajttzaj nna'n wib'e',

ate Qman Dyos xq'uqilweye'.

6Min nchin xob'e' kyeju' tnam xjal

txoli'nkyib' wi'je' tu'n kyok tzaqpaj wi'je'.

7¡Iq'i'nktz tib'a Taye!

¡Chin tkloma, Nman Dyos!

Poq'ima kywitzju' wajq'oje;

¡q'uchimitza kywitzte b'inchal myab'a'n!

8Aya Nman Dyos inkolon;

¡ky'iwlanku'ya ttanama! chiju' b'itzal.