1Nman Dyos atiya toj Syon,
¡aya ati tu'n tjaw ajwaleta!,
¡aya ati toklena tu'n tjapun qyole' twitza,
2qu'n intzaj tb'i'nju'ya na'j Dyos!
Kykyaqilju' xjal toj tkyaqil twitz tx'otx' inche ul tk'etza.
3Inkub'qi'je' tu'nju' qb'inchb'ene' taq'wix,
atzunta inkub' tnajsa'na qile'.
4Tzalajb'ilte' teju' xjal injaw t-sk'o'na
ex inxitiq'i'na najal tk'etza,
kyoju' najb'il toju' tjaya.
¡Qo' tnajsama tu'nju' tb'anil ati toj tjaya,
tu'nju' xjanb'il ati toj tjaya!
5Nman Dyos ex klol qeye',
inqotzaj ttzaq'we'nta
kyu'n tb'inchb'ena tb'anilqexi'x ex tnik'alkyi'j;
kykyaqilju' xjal twitz tx'otx' q'uqlok kyk'u'j ti'ja,
exqe'ju' xjal najlqe' najchaq toj ninnjab';
6tu'nju' tipumala ex toklena
wa'lqe'ju' witz.
7Inkub' nak'eju' ttolob' ninnjab' tu'na
exju' xitb'il kyxol tnam;
8exqepe'ju' xjal te najchaq tx'otx'
inche lu'lun kywitzju' tb'inchb'ena tb'anilqexi'x;
naq tu'nela ati sich' te tzalajb'il
toj tjawetzq'ij ex tkub'exq'ij.
9B'a'n tilwiju' tx'otx' tu'na;
intzaj tq'o'nju'ya jb'al tib'aj tu'n tjaw awal twitz
ex kyuk'i'l nin a',
inche ch'iyju' triy tu'na.
¡Iktzu'n intaq'una'n tx'otx'ju'ya toj kojb'il!
10Nb'aj tak'sa'nju'ya tx'otx'
aj tb'ajkjet tkyaqil inb'aj ak';
ajttzaj tq'o'na jb'al nim tib'aj
ex intzaj tky'i'wla'nju'ya awal twitz.
11Intnojsa'nju'ya ab'q'i kyu'n ky'i'wb'il
nim intzaj tq'o'na kyu'nju' muj;
12cha'x qe'ju' k'ul toj kojb'il te kywa alu'mj
exqe'ju' tze toj k'ul inche tzalaj qu'n cha'xqe';
13inche b'ajnoju' chq'ajlaj kyu'n rit,
exqe' b'ya' nojniqe' kyu'n triy;
¡Kykyaqil nche b'itzan ex nche ẍch'in tu'n kytzalajb'il! chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
