1Na'ntzju'ya xqo ik'a'ye', Nman Dyos;
Qotka'yintza, se'n nqo oka' ik'le'na'ye'.
2Tkyaqilju' qetoqe' matxi' kub'kyetza'n najchaq xjal,
kyetl junxi'tl xjalqe' qjaye' ja'lo.
3Mixti'tl qmane', meb'aqo'ye';
matxi' che kyaju' qtxuye' kyimni kychmil.
4¡Axju' qaye' ati tu'n qlq'onteye';
ex axju' qsiye' ati tu'n qchjonteye'!
5Matxi' kub' qo'n jun iqtz ti'j qqule';
inxi'x qo siktiye' ex minqo ojlane' kyu'n.
6Naqx tu'n tpaj qwaye', nxi'x qo ajb'ene'
kye aj Ejipt ex aj Asirya.
7E'b'inchan ilju' ojtxi' qchmane', ex oje che b'jik',
ayo'ltzunqe' nqo chjonte kyb'inchb'aj.
8Aye'tlju' lq'o'n majin nche kawin qib'aje' ja'lo,
ex mix-a'lo'x jun tzaqpilqeye' toj kyq'ob'.
9Majx oyi'n qchwinqlale' naqx tu'n tjyet qwaye'.
extzun ate'qe' q'ojil toj chq'ajlaj.
10In q'aq'lix qchib'jile' kse'n chuj te wab'j;
tu'n tkyqalju' we'yaj qi'je'.
11Eb'ajkub' yaju'n qya exqe' tal txin,
toj Syon ex kyoju' nintnam toj Juda.
12Eb'jaw tunb'a'n kyq'ob'ju' qnejenele',
min e'nimanjtzju' tijwnaq.
13E'okq'o'n ichan atixi'x kyipumal chel;
aye'tzu'n ku'xun e'kub' yajti tjaq' si.
14Mixti'qe'tl tijwnaq ttzi nintnam;
min nche b'itzantl ku'xun.
15Mixti'tl tzalajb'il toj qanmiye';
toj b'is xpon b'aja' qb'ixa'ne' te tzalajb'il.
16Eltz'aqju' qkorone' toj qwi'ye'
¡xpelo ta'qo'ye', ob'inchan ile'!
17T'untpajtzu'n lu soka' tyab' qanmiye';
ex nok muj kyi'j qwitze'.
18Naq tik'lentlte' twitz Syon xkyej;
inxi'x che ẍchun chuẍ toj.
19Atzunta, Nman Dyos, inkawina kukxju';
¡kukx ttenju'ya toj tq'uq'b'ila!
20¿Tiqu'ntzun k'ik'ela' qna'le' tu'na tejumajx?
¿Titiqu'n qokjel tkolb'i'na nimtoj?
21¡Anjsanma qi'je', Nman Dyos, ex k'anjelqe' qi'j tuk'i'la!
¡B'inchama tu'n qanq'intle' kse'nx nejtl!
22Nimxi'x ttx'u'jila saj qi'je';
majx xqo' eltik'o'na.
Who We AreWhat We EelieveWhat We Do
2025 by iamachristian.org,Inc All rights reserved.
