Sal 2 - Mam Ostuncalco Bible

Nk'wal ta

1¿Titiqu'n njawa' kyiq'i'n kyib'ju' tnam min ojtzqi'n Dyos kyu'n?

¿Titiqu'n nkub' kynk'u'na' jun kyxim myab'a'n?

2Min kyajb'ilju' nimaqkawil exqe' nche kawin twitz tx'otx'

tu'n kyniman te Qman Dyos,

ex nkyb'u'yi'nkyib' tu'n kyq'ojin ti'j Dyos ex ti'ju' nimaqkawil sk'o'ntl tu'n.

3Ex inkyma'n:

¡Qiq'imilju' kyxpatx'k'uxb'il qi'j!

¡Ex qpjumilju' k'alb'ilqe kyu'n!, chechij.

4Naq nxmayinte Qman Dyos kyi'j,

naq nche jawttze'nju' nkawin toj kya'j;

5tuk'i'ltzun ttx'u'jil nche'x t-xob'tza'n;

ex tuk'i'l tq'oj nxitma'n kye:

6Matxi' tz'ok nq'o'ne' nimaqkawil

tib'aj Syon, aju' witz xjan, chij.

7Kxe'l nma'ne' tma Qman Dyos tu'n tb'inchet,

tzaj tma'n weye': aya nk'wale';

mank'waliya ja'lo.

8Qaninqe'tzju'ya tnam weye' tu'n kyxi' nq'o'ne' te tetzb'ila,

ex tkyaqilju' twitz tx'otx',

che kxe'l nq'o'nwe' teya.

9Che b'elt-xitu'na kawil twitz tx'otx' tu'n jun b'ar k'uxb'il;

¡Majx che b'elttxiju'na kse'n jun tx'otx' k'wil!

10Kaneku' toj kywitze' nimaqkawil kyib'aj xjal

¡kyknome' xnaq'tzb'il lu e'kawil twitz tx'otx'!

11Che ajb'enqe'ye' te Qman Dyos tuk'i'l tchiylal;

che k'ulun qe'ye' te tuk'i'l ninb'il.

12Che tzipeku'ye' twitz tuk'i'l xob'ajil,

qu'n jaku' tzaj ttx'u'jil jaku'tzun che b'ajtzu'ye' toj b'e,

qu'n lwiy ntzajte Qman Dyos tq'oj.

¡Tzalajb'ilte' kyeju' q'uqlok kyk'u'j ti'j! chiju' b'itzal