1—¿Alkyetzu'n na'j saj B'osra, tanmi tnam Edom,
tok t-xb'alun chmo'n tk'ikyaq,
tzul nxi'x qoptz'aj t-xb'alun
ojqeltel b'a'nxi'x?
—Ayinweju'ye', in nma'ne' tpakb'alil kanb'ab'l
ex nim wipumale' tu'n nkolone'.
2—¿Tiqu'ntzun kyaq ka'yin t-xb'aluna,
kuxi'xtej matxi' b'ajb'eta tib'aj ub'a?
3—Ikju', machin b'ete' njunale' tib'aj ub'a,
mix-a'lo'te sonin weye';
macheb'aj nwab'e'ne' wajq'oje toj ntx'u'jile'
macheb'aj nwab'e'ne' tuk'i'l nq'oje,
mab'jo'k txatju' kych'k'el tiju' nxb'alune'
ex mab'ajtxa'j tkyaqilju' wi'je' toj.
4Makub' nxima'ne' qa jun q'ij knb'incha'ye' tnik'alilti'j
matxitoq pon q'ij tu'n kytzaqpetju' ntaname'.
5Tzaj nka'yi'ne' ex mix-a'lo'toq onilweye';
majx njaw lab'tiye' tu'n mix-a'lo' onilweye'.
Machin kanb'ane' tu'n nq'ob'e'
maten wipumale' tu'n ntx'u'jile'.
6tuk'i'l ntx'u'jile' eb'ajkub' nb'lo'ne' nimaqtnam,
eb'ajkub' nxitu'ne' tu'n nq'oje
mab'aj qojli kychk'el wu'ne' twitz tx'otx'.
T-xtalb'il Dyos kye aj Israel7Wajb'ile' tu'n nyoline' ti'j tk'ujlalil Qman Dyos,
tu'n kyxi' nb'itza'ne' ajwalb'ilte
tu'n tkyaqilju' matxi' tb'incha qe,
tu'nju' t-xtalb'il nimxi'x kye aj Israel,
ti'nju' matxi' tb'incha tu'n t-xtalb'il
ex tu'n nimxi'x tk'u'jlalil.
8Tmate Dyos kjalu: Ntanam qe'weju'ye',
e' nk'wale' lay che jawmiltz'uj wi'je', chij.
Ex mache tkol,
9toj tkyaqilju' kyb'is.
mya juntl saj tchq'o'n xklonkye;
aku'te Qman Dyos saj.
Mache ttzaqpi tu'n tk'ujlalil ex tu'n tlaqb'il tk'u'j.
mache jawtiq'i'n, mache jaw tchle'n.
Ikytzun matxi' tb'inchaju' kukxu'.
10Aye'tzunkye mache ok pi's te Qman Dyos
ex matz'ok kyq'o'n ttx'u'jilju';
qu'mtzun sok te kyajq'oj
ex matzaj tq'o'n q'oj kyi'j.
11Tzaj kyna'ju' tq'ijlalil ojtxi',
tej tten Moyses tzaqpinkye ttanam,
ex nche xjelun kjalu:
¿Jatzunta' Dyos klonte Moyses toj nin a' Nilo
ju' k'ik'lel kyi'ju' ttanam?
¿Jata'ju' tzaj q'onte t-xew xjan te Moyses?,
12aju' b'inchante
tu'n ttenju' tipumal tb'anilxi'x tuk'i'l Moyses,
aju' xi' aq'punte ninnjab' kyeju' ttanam
tu'n tten jun tpakb'alil ti'j tejumajx,
13aju' ik'xq'inkye t-xe ninnjab' ex min e'jaw ẍjilj,
kse'nqe' chej nche b'et toj chq'ajlaj,
14ex kse'nqe' wakx ajkyku'tz toj plan tx'otx', ¿chechij.
Aku'te t-xew Qman Dyos ẍaqlulkye.
Ikytzu'n xa't-ẍaqlu'n ttanam
ex mab'injtz tpakb'alil ex tajwalil.
Na'j Dyos qanb'il tonb'il Dyos15Nman Dyos, ka'yintza tzmax toj kya'j,
tzmax toju' najb'il xjan ex tb'anil ja najla'ya.
¿Jatzunta' tk'u'jlalila nimxi'x ex tipumala?
¿Tzunju' ntna'ntoqa qi'je'?
¿Mamixtzunti'tl tlaq'b'il tk'u'ja qi'je'?
16¡Ateju'ya qmane'!
B'a'nqa minqo oktq'o'ne' Ab'raam te tk'wal,
ex b'a'nqa minqotzaj tna'ne' Israel,
ateju'ya qmane', Nman Dyos;
ateju'ya tzaqpilqeye' kukxju'.
17¿Tiqu'ntzun ntjo'na'ya, Nman Dyos, tu'n qel txalpuje' ti'ju' tb'eya?
ex tch'uẍsa'na qanmiye' tu'n lanlun qonimane' teya?
Miltz'untztl twitza qeye' tu'n tk'u'jlalila qi'je' ajb'el qo'ye' teya
ex kyi'ju' tnej qyajajile' etza'n tu'na.
18¡Naq ch'i'ntoj o'okye' tajawju' tx'otx'!
Makub' kyaju'n qajq'oje' tjaya te k'u'lb'il.
19Maqokyaje' naku'j b'ajx kawina' qib'aje',
kuxi'xtej b'ajx qiqaya'ju'ye' tb'iya.
Who We AreWhat We EelieveWhat We Do
2025 by iamachristian.org,Inc All rights reserved.