1Aju' xjal o'kx ntjyo'n tajb'il, ẍk'u'ẍ,
ex tkyaqil b'a'n nab'l nel tik'u'n.
2Min tajb'il jun xnak tu'n tknonte xnaq'tzb'il;
noq njaw tnima'ntib' tu'nju' ch'i'n nb'ent tu'n.
3Ch'xawilte' nnel tu'n b'inchaj il;
exju' nimjtib'il nel qch'ixaw tu'n.
4Iky tyol ati tnab'lju' kse'n a' nimt-xe,
nin a' nb'et, t-xochil nab'l.
5Myab'a'n tu'n txi' tzaqpi'nju' aj il tu'n ajkawil
ex tu'n tkub' ktz'e'ysa'n twitzju' mixti' til.
6Aju' mixti' tnab'l tu'nx ttzi njyon q'oj;
ex asyal ntjyo'n tu'nju' tyol.
7Tu'nx tyolju' xnak nkub'o'lja';
ex tu'nx ttzi noka' tq'o'n aqwil tqul.
8Naku'xixtej kab'ju' jk'ujyoli'n,
ajtzun tjapun b'aj, majx tk'ayil npon ti'j qanmi.
9¡Kyitz'in kyib'ju' ky'aj kyuk'i'lju' txa'ju'n tkub' kyu'n!
10Iky tb'i Qman Dyos kse'n jun ja nimin twe' ex kuw
janche pona' tnik'alkyi'j klolkyib'.
11Toj tnab'lu' q'inun qa iky tq'inumalu'
kse'n jun nintnam tok nintapi nimin twe' ti'jile.
12Tu'ju' nimjtib'il nqo b'o'lja';
ex tu'nelju' me'sb'il nqo k'i'wlanjtza'.
13Ch'ixb'ajilxte' tu'n txi' qma'n qyol
na'mxtoq qb'inte se'n tu'me'lxi'x.
14Ate' yab' ax nq'uqb'ante tk'u'j,
¿alkyexi'x kq'uqb'alte kyk'u'ju' nche' b'isun?
15Inknet ojtzqib'l kyu'n ati kynab'l ex kyu'n nkane toj kywitz
aju' nche jyon ti'j;
16Tu'n jun oyaj nb'ent qpon yolil
kyuk'i'l xjal nimaq kyoklen.
17Aju' tnejel xjal npon twitz kawil naku'j mixti' tpaj, ajtzun tpon tajq'oj atzuntzu' nela' yala' til.
18Tkyaqilju' q'oj kyq'onkyje' toj tq'ob' Dyos
ate nq'onte nak'b'il kyxolju' nche q'ojin.
19Jun tzikb'aj mo itz'inb'aj qama tz'ok ttx'u'jil
ikte' kse'n jun nintnam kuw.
Ikyte q'oju' kse'n k'uxb'il te maqb'il
ttzi nin tja kawb'il lay b'ent qokx toj.
20Qo walte' b'a'n mujqa myab'a'n kse'nxju' qo yolin.
21Tu'n qaq' atite' chwinqlal mo kamik;
aye'ju' mya'l che yolin aye'x che yajtel tu'nju' kyol.
22Alkyete' nokyal b'a'n t-xu'jil, nakuj jun q'inumal:
qu'n ntk'mo'n t-xtalb'il Dyos.
23Aju' prow nkub'san;
atzunte q'inun nxon tyol.
24Ate' amiw naq ate'qexi' quk'i'l,
atitzuntlte qamiw b'a'nxi'x tten quk'i'l kyetwitz qitz'inqib' tuk'i'l.
Who We AreWhat We EelieveWhat We Do
2025 by iamachristian.org,Inc All rights reserved.
