1Nman Dyos, chin tkloma kyeju' b'inchal myab'a'n;
chin tkloma kyeju' nche q'ojin,
2kyeju' o'kxtzu' toka' kywi' ti'ju' myab'a'n
ex q'achq'alx nche jyon q'oj.
3Majx mya'l kyaq' kse'n ttz'u'lub' kan;
ikyqe' kyolju' kse'n tb'i'yb'il kan wotz.
4Nman Dyos, chin tkloma toj kyq'ob'ju' b'inchal myab'a'n,
chin tkloma kyeju' nche q'ojin,
kyeju' nche ximan tu'n nkub' tz'aqe' kyu'n.
5Matxi' kub' kyq'o'n ma' nkynima'n kyib' xpatxab' weye';
matxi' kub' kyq'o'n pa ex aqwil toj nb'eye'.
6Oje txinma'ne' te Qman Dyos: Teya nchin ajb'ena'ye';
¡b'intzju'ya tq'ojq'ojel nwi'ye' te kub'sb'il!
7Taye, Nman Dyos, aya klol weye' nimtipumala,
intklo'na nchwinqlale' toj q'oj. Nchije'.
8-9Nman Dyos, lalun taja tu'n tjapu'n kyajb'ilju' b'inchal myab'a'n,
lalun taja tu'n tjapunju' kyxim.
Inkynima'nkyib'ju' txoli'nmile wi'je' kyu'n;
¡kyib'ajxwit kub'a' tz'aqju' taq'wixil nkytxko'n!
10Kub'xwit tz'aq ttxalq'aq' nk'ant kyib'aj;
che ku'xxwit q'o'n toj jul, ja layx b'enta' kyjatz.
11Mixwit tz'anq'ina'ju' nyolin xlab'yol twitz tx'otx';
kub'xwit xitu'nju' nq'ojin tu'n myab'a'n.
12B'i'n wu'ne' ntb'incha'nte Qman Dyos tnik'alilti'j teju' prow
ex nkolon ti'j toklenju' xjal prow.
13Kjawil nima'n tb'iya kyu'n xjal tnik'alkyi'j;
¡che najalkye' xjal b'a'n kychwinqlal twitza! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
