Sal 1 - Mam Ostuncalco Bible

Tnejel U'j(E' b'itz 1—41)Jun tzalajb'il axxi'x

1Tzalajb'il teju' xjal

min nxitb'i'n kynab'lju' b'inchal myab'a'n,

ex min nb'et toj kyb'e aj il,

ex min nkub' qe la'jil kyxolju' xjal nche xmayin ti'j Dyos,

2o'kxtzu' ntzalaja' ti'j tkawb'il Qman Dyos

nximan ti'j q'ijtl ex qonik'an.

3Ikyte xjal ja'lu kse'n junwi' tze

awa'n ttzi jun nin a',

intq'o'n twitz tojxi'x tq'ijlalil

ex min nkub' tzqiju' t-xaq.

¡Tkyaqilju' ntb'incha'n, b'a'n nnela'!

4Aye'tzu'n b'inchal myab'a'n mikxa' nb'ajkyeju',

qu'n ikyqe'ju' kse'n mu'p, nxi' iqa'n tu'n kyq'iq'.

5Layx che kletju' b'inchal myab'a'n ajkyok toj xjel tu'n Dyos;

ex lay che ten aj il kyxolju' tnik'alkyi'j.

6Ate Qman Dyos xq'uqilkyeju' tnik'alkyi'j toj kyb'e,

aye'tzu'n b'inchal myab'a'n tojxju' kyb'e che b'ajela', chiju' b'itzal.