Os 8 - Mam Ostuncalco Bible

Kub' tz'e'ysa'n twitz Israel tu'n tpaj witzleb'i'n

1Q'ajtzanxa chun,

kse'n jun xq'uqil nxq'uqin

tib'aju' ntaname' ayine' Dyos.

Qu'n min xjapunju' yol kyejni b'entti'j kyu'n

matxi' tz'el kypa'n kyib' ti'ju' nxnaq'tzb'ile'.

2Che ultzuntz k'ulul weye', nche' ẍch'in kjalu:

¡Matxi' tz'el qnik'e' teya Tdyos Israel!

3Extzun min kyajb'il tu'n kyb'inchante b'a'n,

qu'mtzun kche jyonjtzel kyu'n kyajq'oj.

4Matxi' che b'jo'k kyq'o'n kynimaqkawil ex mixti'xte saj kyma'n weye',

matxi' che b'jo'k kyq'o'n kynejel ex min b'i'n wu'ne'.

Matz'ajb'en saqpwaq ex q'anpwaq kyu'n

tej xkub' kyb'incha'n kywitzleb',

ex xkub' kyxitu'nkyib'.

5¡Majx ntik'o'n nk'u'ju'ye' wakx nche k'ulune' te, aj Samarya!

Matxi' tzaj txqan ntx'u'jile' ti'j.

¿Jtojtzun kyẍtilsa kyib'e' aj Israel?

6¡Mya Dyoste' tal wakx ati Samarya!

Naqna' jun xjalte' b'inchante

ex majx kb'el npẍu'ne'.

7Ktz'e'ysetel kywitze'

qa min nchinx kyb'i'ne':

mixti'x twitz kyawale' kjawil

ex mixti'x twitz kytriy k'elel;

qatzun ma'x tz'el ch'i'n kyu'ne';

naqxte kywa najchaq xjal k'okyela'.

8¡Kyjel xitju' Israel!

Kyjel kse'n ttx'anqa'n k'wil mixti'tl tajb'en.

9Tu'n tpaj exi' qanil onb'il Asirya

kse'n jun b'etlaj tx'yan

¡Xitq'o'n Eprayin oyaj naqx tu'n ttzaj o'ni'n!

10B'a'ntzun qa matxikyq'o'n oyaj kyxol nimaqtnam,

Che kxe'l nsputi'ne' kyoj txqantl nimaqtnam,

Ex kpomil jun tq'ijlalil

lay che tentl nimaqkawil ex nejenel kye.

11Qu'n nim txqan q'olb'eb'l matxi' b'jaw kyb'incha'ne' Eprayin;

naqx tu'n kyb'inchan ile' nche ajb'ena'.

12Nim xnaq'tzb'il matxi' b'ajx ntz'ib'a'ne' kyeye',

aye'tzunkye' mache b'je'l kyik'o'ne'.

13Inxi'x kub' kyq'o'ne' chojb'il,

ex nxi' kych'yo'ne' kychib'jilu' chojb'il;

ayintzunwe' min nchin tzalaje' kyuk'i'le', ayine' Dyos Manb'aj:

na'nwe' kyile' wu'n,

kb'el ntz'e'ysa'n kywitze' tu'n tpaju' kyile',

k'anjetl kyi'je' Ejipt.

14Aj Israel, nche jaw kyb'incha'ne' tja nimaqkawb'il,

ayintzune' matxi' tzik'nna'le' kyu'ne', ayine' ch'isalkyeye'.

Ikxte Juda nche jawtb'incha'n nimaqtnam kuwsa'nqe',

oktzun che b'ajel npati'nwe' toj q'aq'

majx che b'ajelju' tja nimaqkawb'il.