Is 32 - Mam Ostuncalco Bible

Kawb'il te tnik'alilti'j

1K'okyel jun nimaqkawil toj ttzinunal kkawila'

e'kawil tu'n kykawin toj tnik'alilti'j.

2Teyile junjunkye k'okyel naku'j kolb'il te kyq'iq'

ex kolb'il te q'ankyaq,

naku'j tb'e a' toj tx'otx' tzqij,

naku'j tewan jun nin pik toj chq'ajlaj.

3Che ka'yil b'a'nxi'x

ex kkyq'a'kyib' tu'n kyb'inte b'a'nxi'x;

4kb'el kyxima'n b'a'nxi'x ajkyb'inchante jun ti'xti',

ex chexe'l kychik'b'a'n ti'xti' axxi'x.

5Lay tz'okq'o'nju' xnak te nim toklen

ex lay tz'ok q'o'n tx'yan xjal te nimaqxjal.

6Qu'n aju' xnak nyolin tuk'i'l t-xnakyil

ex nkub' t-xima'n taq'un myab'a'n;

noktilil tu'n, tu'n tb'iyun

ex nq'man chajyolil ti'j Qman Dyos;

min nxitq'o'n twaju' nwe'yajti

ex min nxitq'o'n tk'wa'ju' nk'wajti.

7Atzu'n tx'yan xjal nsb'un

ex nximan tu'n tb'inchante myab'a'n;

nche tb'o'lsa'n prow tu'n chajyolil

ex nkutb'lo'nju prow ntqani'n tu'n tb'inchanjtz tnik'alilti'jte.

8Atzunte' b'a'n xjal nximan tu'n tb'inchante b'a'n,

ex ntwab'a'ntib' tojxju' t-xim lu.

Yol kyeju' qya min nche ximan ti'ju' tzul

9Aye'tzunkye' qya min nb'ajx kyk'u'je',

kyb'intzju'ye' kxe'l nma'ne' kyeye'.

Kyb'intze' nyole', qya naqx q'uqli kyk'u'je'.

10Q'uqli kyk'u'je' ja'lo,

oktzun che yajtele' naqch'i'n tik'len jun ab'q'itl,

qu'n kb'ajelte' twitz awal

ex lay kyb'uyitle' twitz ub'a.

11Che lu'lune' aye'ye' min b'ajx kyk'u'je';

che xob'e' aye'ye' naq q'uqli kyk'u'je',

kyiq'imilju'ye' kyi'je' lu

ex kyq'onk kyi'je' te b'is.

12Kyek'ume' b'is

ti'ju' kytx'otx'e' tb'aniltoq ex tb'anil kyawale' ub'a.

13Nimaq k'ul ex ch'i'x kb'ajel ch'iy toju' ntx'otx'e',

kyoj kykyaqil ja te tzalajb'il ex sqach toju' nintnam.

14Kjel tzaqpi'n tja nimaqkawb'il;

kjeltenju' nintnam najli txqan xjal toj naq chq'ajlajtl;

ex che kjeltzaqpi'n ja kuwsa'nqe' tejumajx;

kyjonku' tojk'ul b'ur che najal toj,

ex che walju' wakx toj.

15Tzultzun jumajtlju'

tipumal Qman Dyos ch'isal qib'aj,

ex ktzajel jumajtl tawalju' chq'ajlaj,

atzu'n tx'otx' te awb'il k'okyel tb'anilxi'xtl.

16Ktenb'el tnik'alilti'j ex ttxolilti'j

toj tkyaqilju' tx'otx'.

17Tzul nak'b'il tu'n tnik'alilti'j,

tzalajb'il ex q'uqb'ank'u'jal tejumajx.

18K'anq'ilte' ntaname' toj jun najb'il nak'li,

kyoj ja b'a'n b'inchb'enkye,

kyoj ja mixti'te nb'aj toj,

19b'a'nqa mache kub'tx'e'mu'n tze toj k'ul

ex matz'el tch'ixawju' nintnam.

20Che anq'ilkye' toj tzalajb'il,

nim jb'al kb'el tib'aju' kyawale'

ex tb'anil kywa kyb'ure' ex kywakyixe'.