Sal 14 - Mam Ostuncalco Bible

Kyb'inchb'aj xjal myab'a'n(Sal 53)

1Inkyxima'n mixti' kynab'l qa mixti'te Dyos:

kykyaqil matxi' che b'aj kub' tzpet;

taq'wixi'xju' nkyb'incha'n;

¡mix-a'lo' jun nb'inchan b'a'n!

2Inka'yintz Qman Dyos tzmax toj kya'j kyib'aju' xjal

qa ate' junjun ati kynab'l,

exqa nche jyon ti'j Dyos.

3Aye'tzunkye xjal matxi' che b'ajx toju' b'e taq'wix;

kykyaqilx matxi' che b'aj kub'tzpet.

¡Mix-a'lo'tl jun nb'inchan b'a'n!

¡K'i'xpe'wt jun!

4Mixti'x kynab'lju' b'inchal il,

aye' ate'qe'k kutz'ilkyeju' ntaname' naku'j wab'j kye,

aye' mixti'x ntzaj kyna'n Qman Dyos.

5Kche lu'lulkye' tu'n kyxob'il,

qu'n atite Dyos kyuk'i'lju' nche okslan te.

6Nche xmayin ti'j tb'is tk'u'ju' me's,

atzunte Qman Dyos nklonte.

7¡Naqwit tzaju' kolb'ilte Israel,

ti'ju' witz Syon!

Aj tch'exb'ente Qman Dyos tchwinqlalju' ttanam,

Che tzalajelju' tyajajil Jakob',

tkyaqilju' tnam Israel, chiju' b'itzal.