Sat-ka-lī-a-su 13

Sat-ka-lī-a-su 13 - 現代台語譯本羅馬字版(TTVR)-闽南语

1Tī hit-ji̍t, beh ūi-tio̍h Tāi-pi̍t ê hō͘-tāi kap Iâ-lō͘-sat-léng ê chū-bîn khui chi̍t ê chúi-chôaⁿ, thang sóe-tû in ê chōe-ok kap lâ-sâm.

2Siōng Chú — Bān-kun ê Thóng-sòe kóng, “Tī hit-ji̍t, góa beh tùi chit-ê tōe tû-khì ngó͘-siōng ê miâ, hō͘ lâng bōe koh kì-tit in; góa mā beh tùi chit-ê tōe tû-khì sian-ti kap ù-òe ê sîn.

3Nā ū lâng iáu beh kóng ū-giân, i ê pē-bú ōe kā i kóng, ‘Lí kai-sí, in-ūi lí hōng Siōng Chú ê miâ kóng pe̍h-chha̍t.’ I nā kè-sio̍k kóng, i ê chhin-siⁿ pē-bú ōe kā i chha̍k--sí.

4Tī hit-ji̍t, ta̍k-ê ké sian-ti ōe in-ūi só͘ khòaⁿ--kìⁿ ê īⁿ-siōng kám-kak kiàn-siàu, bōe koh chhēng sian-ti-saⁿ phiàn lâng;

5i ōe kóng, ‘Góa m̄-sī sian-ti, sī lông-hu, chi̍t-sì-lâng choh-sit.’

6Lâng nā mn̄g i, ‘Lí seng-khu ná ū siong?’ I ōe ìn kóng, ‘Sī tī goán pêng-iú in tau siū ê siong.’”

Bo̍k-chiá Siū Thâi

7Siōng Chú — Bān-kun ê Thóng-sòe kóng,

“To-kiàm ah, chhíⁿ--khí-lâi, kong-kek góa ê bo̍k-chiá,

kong-kek góa ê tâng-phōaⁿ.

Phah bo̍k-chiá, iûⁿ-kûn chiū sì-sòaⁿ.

Góa beh oa̍t-tńg-sin kong-kek sòe-chiah iûⁿ-á.”

8Siōng Chú kóng,

“Chit-ê tōe saⁿ-hūn-jī ê lâng ōe siū siau-bia̍t,

saⁿ-hūn-chi̍t ōe lâu--teh.

9Góa beh hō͘ chit saⁿ-hūn-chi̍t ê lâng siū hé thoàn-liān,

chhin-chhiūⁿ teh liān kim, liān gûn.

In ōe kiû-kiò góa ê miâ,

góa beh ìn in.

Góa beh kóng ‘Lín sī góa ê chú-bîn’;

in ōe ìn, ‘Siōng Chú, lí sī goán ê Siōng-tè!’”

Sat-ka-lī-a-su 13 - 現代台語譯本羅馬字版(TTVR)-闽南语

Learn More About Us