Í-sài-a-su 20

Í-sài-a-su 20 - 現代台語譯本羅馬字版(TTVR)-闽南语

Chhiah-sin-lō͘-thé ê Sian-ti

1 A-su̍t-ông Sat-ní-kun bēng-lēng i ê goân-sòe khì kong-chhú Hui-lī-sū ê A-si̍t-tu̍t-siâⁿ.

2Chit-ê tāi-chì í-chêng, Siōng Chú tùi A-mô͘-su ê kiáⁿ Í-sài-a kóng, “Lí khì, chiong lí seng-khu téng ê môa-pò͘-saⁿ thǹg--khí-lâi, kha chhēng ê liâng-ôe thǹg--khí-lâi!” Í-sài-a chiū chiàu án-ni chòe, chhiah-sin-lō͘-thé thǹg-chhiah-kha kiâⁿ-lō͘.

3Jiân-āu Siōng Chú kóng, “Che sī Ai-ki̍p kap Kó͘-si̍t teh-beh tú--tio̍h ê tāi-chì ê kì-hō kap tiāu-thâu. Góa ê po̍k-jîn ū saⁿ nî kú chhiah-sin-lō͘-thé thǹg-chhiah-kha,

4A-su̍t-ông ōe chhin-chhiūⁿ án-ni lia̍h Ai-ki̍p ê hu-ló͘ kap Kó͘-si̍t ê chiàn-hoān, bô-lūn sī siàu-liân--ê á-sī lāu--ê, hō͘ in lóng chhiah-sin-lō͘-thé thǹg-chhiah-kha iû-hêng, hō͘ Ai-ki̍p kiàn-siàu.

5Só͘-ū óa-khò Kó͘-si̍t í-ki̍p ēng Ai-ki̍p chòe khoa-kháu ê Í-sek-lia̍t-lâng ōe kiaⁿ-hiâⁿ kiàn-siàu.

6Tī hit-ji̍t, tòa tī iân-hái ê lâng ōe kóng, ‘Khòaⁿ leh, lán só͘ óa-khò beh pó-hō͘ lán tô-thoat A-su̍t-ông--ê to lóng án-ni, lán ná ū hoat-tō͘ cháu-siám?’”

Í-sài-a-su 20 - 現代台語譯本羅馬字版(TTVR)-闽南语

Learn More About Us