Nî-hi-bí-kì 11

Nî-hi-bí-kì 11 - 現代台語譯本羅馬字版(TTVR)-闽南语

Tòa tī Iâ-lō͘-sat-léng ê Lâng

1Jîn-bîn ê léng-siù lóng tòa tī Iâ-lō͘-sat-léng; kî-tha ê jîn-bîn thiu-chhiam, múi cha̍p ê ka-têng ū chi̍t ê lâi tòa tī Sèng-siâⁿ Iâ-lō͘-sat-léng, lēng-gōa hit káu ê tòa tī pa̍t-ê siâⁿ.

2Só͘-ū chū-goān lâi tòa tī Iâ-lō͘-sat-léng--ê, jîn-bîn lóng kā in chiok-hok.

3Í-sek-lia̍t-lâng, chè-si, Lī-bī-lâng, sèng-tiān ê kang-lâng, kap Só͘-lô-bûn po̍k-jîn ê hō͘-tāi, lóng tòa tī in ka-kī tī Iû-tāi só͘-iú-tōe ê siâⁿ.

Ē-bīn sī Iû-tāi-séng ê léng-siù tòa tī Iâ-lō͘-sat-léng ê lâng:

4Ū chi̍t-kóa Iû-tāi kap Piān-ngá-bín ê hō͘-tāi tòa tī Iâ-lō͘-sat-léng. Sio̍k Iû-tāi--ê ū: Hoat-le̍k-su ê hō͘-tāi A-tha-ngá, i sī O͘-se-a ê kiáⁿ, O͘-se-a sī Sat-ka-lī-a ê kiáⁿ, Sat-ka-lī-a sī A-má-lī-ngá ê kiáⁿ, A-má-lī-ngá sī Sī-hoat-thê-ngá ê kiáⁿ, Sī-hoat-thê-ngá sī Má-le̍k-lia̍t ê kiáⁿ;

5koh ū Má-se-ngá, i sī Pa-lio̍k ê kiáⁿ, Pa-lio̍k sī Kok Hô-se ê kiáⁿ, Kok Hô-se sī Hap-sài-a ê kiáⁿ, Hap-sài-a sī A-tāi-ngá ê kiáⁿ, A-tāi-ngá sī Iok-ngá-li̍p ê kiáⁿ, Iok-ngá-li̍p sī Sat-ka-lī-a ê kiáⁿ, Sat-ka-lī-a sī Sī-lô-nî ê kiáⁿ.

6Hoat-le̍k-su ê hō͘-tāi tòa tī Iâ-lō͘-sat-léng--ê, lóng-chóng ū sì-pah la̍k-cha̍p-poeh lâng; in lóng sī ióng-sū.

7Sio̍k Piān-ngá-bín ê hō͘-tāi ū Sat-lō͘, i sī Bí-su-lân ê kiáⁿ, Bí-su-lân sī Iok-ia̍p ê kiáⁿ, Iok-ia̍p sī Pí-tāi-ngá ê kiáⁿ, Pí-tāi-ngá sī Ko-nāi-ngá ê kiáⁿ, Ko-nāi-ngá sī Má-se-ngá ê kiáⁿ, Má-se-ngá sī Í-thiat ê kiáⁿ, Í-thiat sī Í-sài-a ê kiáⁿ;

8koh ū Sat-lō͘ ê chhin-cho̍k Ka-pài, Sat-lâi

, kiōng káu-pah jī-cha̍p-poeh lâng.

9Sè-ki-lī ê kiáⁿ Iok-ní sī in ê tiúⁿ-koaⁿ; Hap-se-ló͘-a ê kiáⁿ Iû-tāi chòe hit-ê siâⁿ ê hù-chhī-tiúⁿ.

10Chòe chè-si--ê ū Iok-ngá-li̍p ê kiáⁿ Iâ-tāi-ngá kap Ngá-kun;

11iáu ū koán-lí Siōng-tè ê tiān ê Se-lâi-ngá, Se-lâi-ngá sī Hi-le̍k-ka ê kiáⁿ, Hi-le̍k-ka sī Bí-su-lân ê kiáⁿ, Bí-su-lân sī Sat-tok ê kiáⁿ, Sat-tok sī Bí-la-iok ê kiáⁿ, Bí-la-iok sī A-hi-tu̍t ê kiáⁿ;

12iáu ū in ê chhin-cho̍k tī sèng-tiān sū-hōng--ê, kiōng poeh-pah jī-cha̍p-jī lâng; koh ū A-tāi-ngá, i sī Iâ-lô-hán ê kiáⁿ, Iâ-lô-hán sī Pí-la-lī ê kiáⁿ, Pí-la-lī sī Àm-se ê kiáⁿ, Àm-se sī Sat-ka-lī-a ê kiáⁿ, Sat-ka-lī-a sī Pa-si-hō͘-ní ê kiáⁿ, Pa-si-hō͘-ní sī Má-ki-ngá ê kiáⁿ;

13iáu ū in ê chhin-cho̍k chòe cho̍k-tiúⁿ--ê, kiōng nn̄g-pah sì-cha̍p-jī lâng; koh ū A-má-sòe, i sī A-sat-lia̍t ê kiáⁿ, A-sat-lia̍t sī A-hap-sài ê kiáⁿ, A-hap-sài sī Bí-si̍t-lī-boa̍t ê kiáⁿ, Bí-si̍t-lī-boa̍t sī Im-be̍k ê kiáⁿ;

14iáu ū in ê chhin-cho̍k ióng-béng ê chiàn-sū, kiōng chi̍t-pah jī-cha̍p-poeh lâng; Hap-ki-to-lîm ê kiáⁿ Sat-pa-tē-gia̍p sī in ê tiúⁿ-koaⁿ.

15 Lī-bī-lâng ū Sī-má-ngá, i sī Hap-su̍t ê kiáⁿ, Hap-su̍t sī A-su-lī-kan ê kiáⁿ, A-su-lī-kan sī Hap-sa-pí-ngá ê kiáⁿ, Hap-sa-pí-ngá sī Pò͘-nî ê kiáⁿ;

16koh ū Lī-bī-lâng ê léng-siù Sa-pí-thài kap Iok-sat-poa̍t, koán-lí Siōng-tè sèng-tiān ê gōa-bū.

17Chhōa kî-tó kám-siā--ê sī Má-tha-nî, i sī Bí-ka ê kiáⁿ, Bí-ka sī Sat-tí ê kiáⁿ, Sat-tí sī A-sat ê kiáⁿ; koh ū Má-tha-nî ê hiaⁿ-tī, kî-tiong Pat-pò͘-ka chòe hù-chhiú; iáu ū Ap-tāi, i sī Sa-bō͘-a ê kiáⁿ, Sa-bō͘-a sī Ka-la ê kiáⁿ, Ka-la sī Iâ-tō͘-tùn ê kiáⁿ.

18Tòa tī Sèng-siâⁿ ê Lī-bī-lâng, lóng-chóng ū nn̄g-pah poeh-cha̍p-sì lâng.

19Kò͘-mn̂g ê siú-ōe ū A-kok kap Ta̍t-bûn, í-ki̍p in ê chhin-cho̍k kiōng chi̍t-pah chhit-cha̍p-jī lâng.

20Kî-tha ê Í-sek-lia̍t-lâng, chè-si, Lī-bī-lâng, tòa tī in ka-kī tī Iû-tāi só͘-iú-tōe ê siâⁿ.

21M̄-kú sèng-tiān kang-lâng tòa tī Gô-hui-le̍k; Se-hap kap Ki-su-phà chòe in ê kam-tok.

22Tī Iâ-lō͘-sat-léng chòe Lī-bī-lâng ê kam-tok, koán-lí Siōng-tè sèng-tiān sū-bū--ê, sī hū-chek hiàn-si ê A-sat ê hō͘-tāi O͘-se, i sī Pa-nî ê kiáⁿ, Pa-nî sī Hap-sa-pí-ngá ê kiáⁿ, Hap-sa-pí-ngá sī Má-tha-nî ê kiáⁿ, Má-tha-nî sī Bí-ka ê kiáⁿ.

23Ông ū kui-tēng hiàn-si ê lâng ta̍k-ji̍t eng-kai chòe ê chit-bū.

24Pí-tha-hi-ngá tāi-piáu ông pān-lí Iû-tāi jîn-bîn it-chhè ê sū-bū; i sī Bí-sī-sat-pia̍t ê kiáⁿ, sī Iû-tāi ê kiáⁿ Siā-la ê hō͘-tāi.

Tòa tī Kî-tha Hiong-tìn ê Lâng

25 Iû-tāi-lâng tòa ê chng-siā kap in ê chhân-hn̂g, ū Ki-lia̍t A-pa kap chiu-ûi ê chng-siā, Tí-pún kap chiu-ûi ê chng-siā, Ia̍p-kah-sih kap chiu-ûi ê chng-siā,

26í-ki̍p Iâ-su-a, Mô͘-la-tāi, Pek Phà-lia̍t,

27Hap-sat Su-a, Pia̍t-sī-pa kap hù-kūn ê chng-siā;

28koh tī Sé-kek-la, Bí-ko-ná kap hù-kūn ê chng-siā;

29koh tī Ún Lîm-bûn, Só-la, Iâ-boa̍t,

30Sat-ná-a, A-tō͘-lân kap hù-kūn ê chng-siā, La-kiat kap hù-kūn ê chhân-hn̂g, A-se-ka kap hù-kūn ê chng-siā. In só͘ tòa ê tōe-khu, sī tùi Pia̍t-sī-pa kàu Him-lūn Soaⁿ-kok.

31 Piān-ngá-bín-lâng tòa tī Ka-pa, Bi̍t-boat, Ai-ngá, Pek-te̍k-lī kap chiu-ûi ê chng-siā,

32A-ná-tu̍t, Ná-pek, A-lân-ngá,

33Hā-só, La-má, Ki-tha-im,

34Hap-tē, Sé-pho-im, Nî-pat-la,

35Lô-tek, í-ki̍p O-ná, Hā-la̍p-him Soaⁿ-kok.

36Ū chi̍t-kóa tòa tī Iû-tāi ê Lī-bī-lâng, siū chí-tēng kui tī Piān-ngá-bín.

Nî-hi-bí-kì 11 - 現代台語譯本羅馬字版(TTVR)-闽南语

Learn More About Us