Si-phian 121 - 現代台語譯本羅馬字版(TTVR)-闽南语

Peh-kiā chiūⁿ Iâ-lō͘-sat-léng ê si.Góa ê Pó-hō͘-chiá Siōng-tè

1Góa gia̍h-thâu khòaⁿ soaⁿ;

góa ê pang-chān tùi tó-ūi lâi?

2Góa ê pang-chān tùi Siōng Chú lâi;

I sī chhòng-chō thiⁿ-tōe ê Chú.

3I bōe hō͘ lí poa̍h-tó;

lí ê pó-hō͘-chiá bōe tuh-bîn.

4 Í-sek-lia̍t ê pó-hō͘-chiá bōe tuh-bîn,

mā bōe khùn--khì.

5Siōng Chú sī lí ê pó-hō͘-chiá;

I tī lí sin-piⁿ chòe ìm-ńg teh pó-hō͘ lí.

6Ji̍t--sî, ji̍t-thâu bōe siong lí;

mî--sî, ge̍h mā bōe hāi lí.

7Siōng Chú ōe pó-hō͘ lí thoat-lī ta̍k-khoán chai-lān;

I ōe pó-hō͘ lí ê sìⁿ-miā.

8Lí chhut lí ji̍p, Siōng Chú ōe pó-hō͘ lí,

tùi chit-sî ti̍t-kàu éng-oán.

Learn More About Us