Nî-hi-bí-kì 7

Nî-hi-bí-kì 7 - 現代台語譯本羅馬字版(TTVR)-闽南语

1Siâⁿ-chhiûⁿ tiông-kiàn oân-sêng, góa chiū an-tì siâⁿ-mn̂g, koh chí-phài lâng hū-chek sèng-tiān siú-ōe, hiàn-si, kap kî-tha Lī-bī-lâng ê kang-chok.

2Góa phài góa ê hiaⁿ-tī Hap-ná-nî kap pó-lúi ê chí-hui-koaⁿ Hap-ná-nî-ngá, koán-lí Iâ-lō͘-sat-léng; Hap-ná-nî-ngá sī chi̍t ê tiong-sìn koh kèng-ùi Siōng-tè ê lâng, bô lâng ōe-tàng kap i pí.

3Góa kā in hoan-hù kóng, “Kàu ji̍t chhut sio-lō ê sî, chiah thang khui Iâ-lō͘-sat-léng ê siâⁿ-mn̂g; siú-ōe hā-pan í-chêng, tio̍h kā siâⁿ-mn̂g koaiⁿ--khí-lâi, chhòaⁿ hō͘ hó-sè. Tio̍h phài Iâ-lō͘-sat-léng ê chū-bîn, chiàu pan-chhù tī in ê chhù thâu-chêng kò͘-siú.”

Liû-hòng Hôe-hiong ê Lâng ê Miâ-toaⁿ(La 2.1-70)

4 Iâ-lō͘-sat-léng-siâⁿ khoah koh tōa, siâⁿ-lāi ê chū-bîn iáu chin chió, khí-hó ê chhù mā bô chōe.

5Góa ê Siōng-tè kám-tōng góa, tiàu-chi̍p kùi-cho̍k, koaⁿ-tiúⁿ, kap jîn-bîn lâi teng-kì in ê ka-phó͘. Góa chhē-tio̍h thâu chi̍t phoe liû-hòng hôe-hiong ê lâng ê ka-phó͘. Ē-bīn sī góa chhē--tio̍h ê chu-liāu:

6Í-chêng tùi Iû-tāi-tōe hō͘ Pa-pí-lûn-ông Nî-pò͘-kah-nî-sat lia̍h--khì ê jîn-bîn, hiān-chāi tùi hia tò-lâi Iâ-lō͘-sat-léng kap Iû-tāi, tńg-khì ta̍k-ê lâng ê kò͘-hiong;

7in kap Só͘-lô-pa-pek, Iâ-su-a, Nî-hi-bí, A-sat-lī-ngá, La-bí, Ná-hap-má-nî, Boa̍t-tí-kái, Pit-san, Bí-su-pí-lia̍t, Pí-kek-óa-i, Nî-hông, Pa-ná chòe-hé tò--lâi. Í-hā sī chiah-ê tò--lâi ê Í-sek-lia̍t jîn-bîn ê jîn-sò͘:

8 Pa-lio̍k ê hō͘-tāi nn̄g-chheng chi̍t-pah chhit-cha̍p-jī lâng

9 Sī-hoat-thê-ngá ê hō͘-tāi saⁿ-pah chhit-cha̍p-jī lâng

10 A-la ê hō͘-tāi la̍k-pah gō͘-cha̍p-jī lâng

11 Pa-hap Mô͘-ap ê hō͘-tāi, chiū-sī Iâ-su-a kap Iok-ap ê hō͘-tāi, nn̄g-chheng poeh-pah cha̍p-poeh lâng

12 Í-lân ê hō͘-tāi chi̍t-chheng nn̄g-pah gō͘-cha̍p-sì lâng

13 Sat-thó͘ ê hō͘-tāi poeh-pah sì-cha̍p-gō͘ lâng

14 Sat-kái ê hō͘-tāi chhit-pah la̍k-cha̍p lâng

15 Pin-lōe ê hō͘-tāi la̍k-pah sì-cha̍p-poeh lâng

16 Pí-pài ê hō͘-tāi la̍k-pah jī-cha̍p-poeh lâng

17 Ap-kah ê hō͘-tāi nn̄g-chheng saⁿ-pah jī-cha̍p-jī lâng

18 A-to-nî-kan ê hō͘-tāi la̍k-pah la̍k-cha̍p-chhit lâng

19 Pí-kek-óa-i ê hō͘-tāi nn̄g-chheng khòng la̍k-cha̍p-chhit lâng

20 A-teng ê hō͘-tāi la̍k-pah gō͘-cha̍p-gō͘ lâng

21 A-te̍k ê hō͘-tāi, chiū-sī Hi-se-ka ê hō͘-tāi, káu-cha̍p-poeh lâng

22 Hap-sūn ê hō͘-tāi saⁿ-pah jī-cha̍p-poeh lâng

23 Pí-sài ê hō͘-tāi saⁿ-pah jī-cha̍p-sì lâng

24 Hap-la ê hō͘-tāi chi̍t-pah cha̍p-jī lâng

25 Ki-piàn ê hō͘-tāi káu-cha̍p-gō͘ lâng

26 Pek-lī-hêng-lâng kap Nî-tô-hoat-lâng, kiōng chi̍t-pah poeh-cha̍p-poeh lâng

27 A-ná-tu̍t-lâng chi̍t-pah jī-cha̍p-poeh lâng

28 Pek A-su-má-ui-lâng sì-cha̍p-jī lâng

29 Ki-lia̍t Iâ-lîm-lâng, Ki-hui-la-lâng, kap Pí-lio̍k-lâng kiōng chhit-pah sì-cha̍p-saⁿ lâng

30 La-má-lâng kap Ka-pa-lâng kiōng la̍k-pah jī-cha̍p-it lâng

31 Be̍k-má-lâng chi̍t-pah jī-cha̍p-jī lâng

32 Pek-te̍k-lī-lâng kap Ai-lâng kiōng chi̍t-pah jī-cha̍p-saⁿ lâng

33lēng-gōa chi̍t ê Nî-pho ê hō͘-tāi gō͘-cha̍p-jī lâng

34lēng-gōa chi̍t ê Í-lân ê hō͘-tāi chi̍t-chheng nn̄g-pah gō͘-cha̍p-sì lâng

35 Hap-lîm ê hō͘-tāi saⁿ-pah jī-cha̍p lâng

36 Iâ-lī-ko-lâng saⁿ-pah sì-cha̍p-gō͘ lâng

37 Lô-tek-lâng, Hap-tē-lâng, O-ná-lâng kiōng chhit-pah jī-cha̍p-it lâng

38 Se-ná-lâng saⁿ-chheng káu-pah saⁿ-cha̍p lâng.

39Chè-si:

Iâ-su-a ê ke Iâ-tāi-ngá ê hō͘-tāi káu-pah chhit-cha̍p-saⁿ lâng

40 Im-be̍k ê hō͘-tāi chi̍t-chheng khòng gō͘-cha̍p-jī lâng

41 Pa-si-hō͘-ní ê hō͘-tāi chi̍t-chheng nn̄g-pah sì-cha̍p-chhit lâng

42 Hap-lîm ê hō͘-tāi chi̍t-chheng khòng cha̍p-chhit lâng.

43 Lī-bī-lâng:

Hô-ta̍t-ui-ngá ê hō͘-tāi, chiū-sī Iâ-su-a kap Kah-bia̍t ê hō͘-tāi, chhit-cha̍p-sì lâng

44hū-chek hiàn-si--ê, chiū-sī A-sat ê hō͘-tāi, chi̍t-pah sì-cha̍p-poeh lâng

45sèng-tiān ê siú-ōe, chiū-sī Sa-liông, A-te̍k, Ta̍t-bûn, A-kok, Hap-tí-tāi, kap Sok-pài ê hō͘-tāi, kiōng chi̍t-pah saⁿ-cha̍p-poeh lâng.

46Sèng-tiān ê kang-lâng: Se-hap ê hō͘-tāi, Hap-so͘-pa ê hō͘-tāi, Tap-pa-gô ê hō͘-tāi,

47Ki-lio̍k ê hō͘-tāi, Se-a ê hō͘-tāi, Pa-tùn ê hō͘-tāi,

48Lī-pa-ná ê hō͘-tāi, Hap-ka-pa ê hō͘-tāi, Sat-mái ê hō͘-tāi,

49Hap-lân ê hō͘-tāi, Kiat-tek ê hō͘-tāi, Ka-hap ê hō͘-tāi;

50Lī-a-ngá ê hō͘-tāi, Lī-sìn ê hō͘-tāi, Nî-ko-tāi ê hō͘-tāi,

51Ka-sàn ê hō͘-tāi, O͘-sat ê hō͘-tāi, Pa-se-a ê hō͘-tāi,

52Pí-sài ê hō͘-tāi, Bí-o͘-lêng ê hō͘-tāi, Nî-phó͘-sim ê hō͘-tāi,

53Pa-pok ê hō͘-tāi, Hap-kó͘-pa ê hō͘-tāi, Hap-hut ê hō͘-tāi,

54Pa-sé-lu̍t ê hō͘-tāi, Bí-hi-tāi ê hō͘-tāi, Hap-sa ê hō͘-tāi,

55Pa-kho ê hō͘-tāi, Se-se-la ê hō͘-tāi, Tap-má ê hō͘-tāi,

56Nî-sè-a ê hō͘-tāi, Hap-thê-hoat ê hō͘-tāi.

57 Só͘-lô-bûn ê po̍k-jîn ê hō͘-tāi, chiū-sī Só-thài ê hō͘-tāi, Só-húi-lia̍t ê hō͘-tāi, Pí-lō͘-tāi ê hō͘-tāi,

58Ngá-la ê hō͘-tāi, Ta̍t-khun ê hō͘-tāi, Kiat-tek ê hō͘-tāi,

59Sī-hoat-thê-ngá ê hō͘-tāi, Hap-thòe ê hō͘-tāi, Po-hek-lia̍t Hap-su-pa-im ê hō͘-tāi, A-bûn ê hō͘-tāi.

60Sèng-tiān ê kang-lâng kap Só͘-lô-bûn po̍k-jîn ê hō͘-tāi kiōng saⁿ-pah káu-cha̍p-jī lâng.

61Tùi Te̍k Bí-la, Te̍k Hap-sat, Ki-lio̍k, A-tùn, Im-be̍k chiūⁿ--lâi, bōe-tàng chèng-bêng in ê chong-cho̍k sè-hē sī m̄-sī sio̍k Í-sek-lia̍t-lâng--ê:

62Tē-lâi-ngá ê hō͘-tāi, To-pí-ngá ê hō͘-tāi, kap Nî-ko-tāi ê hō͘-tāi, kiōng la̍k-pah sì-cha̍p-jī lâng.

63-64Chè-si tiong chhē bô sè-hē--ê, ū Hap-pa-ngá ê hō͘-tāi, Hap-ko-su ê hō͘-tāi, Pa-se-lâi ê hō͘-tāi (Pa-se-lâi chhōa Ki-lia̍t-lâng Pa-se-lâi ê cha-bó͘-kiáⁿ chòe bó͘, só͘-í chhái-iōng Pa-se-lâi ê miâ); in bōe-tàng tam-jīm chè-si ê chit-hūn.

65Séng-tiúⁿ kā in kóng, “M̄-thang chia̍h hiàn hō͘ Siōng-tè ê chè-mi̍h, thèng-hāu ōe-hiáu ēng O͘-lêng kap Thó͘-bêng ê chè-si chhut-hiān chiah lâi chhâi-koat.”

66Tāi-hōe ê hōe-chiòng lóng-chóng ū sì-bān nn̄g-chheng saⁿ-pah la̍k-cha̍p lâng;

67í-gōa iáu ū in ê lâm-po̍k lú-pī chhit-chheng saⁿ-pah saⁿ-cha̍p-chhit lâng, lâm-lú hiàn-si--ê ū nn̄g-pah sì-cha̍p-gō͘ lâng.

68-69In ū bé chhit-pah saⁿ-cha̍p-la̍k chiah, lô nn̄g-pah sì-cha̍p-gō͘ chiah, lo̍k-tô sì-pah saⁿ-cha̍p-gō͘ chiah, lû la̍k-chheng chhit-pah jī-cha̍p chiah.

70Ū chi̍t-kóa lâng ūi-tio̍h kang-thêng chàn-chō͘: Séng-tiúⁿ koan poeh kong-kun ê kim hē tī hú-khò͘, óaⁿ gō͘-cha̍p tè, kap chè-si ê lé-ho̍k gō͘-pah saⁿ-cha̍p su;

71ū ê cho̍k-tiúⁿ koan chi̍t-pah la̍k-cha̍p-poeh kong-kun ê kim, chi̍t-chheng nn̄g-pah gō͘-cha̍p kong-kun ê gûn, hē tī kang-thêng hú-khò͘;

72ū chin chōe jîn-bîn koan chi̍t-pah la̍k-cha̍p-poeh kong-kun ê kim, chi̍t-chheng chi̍t-pah sì-cha̍p kong-kun ê gûn, kap chè-si ê lé-ho̍k la̍k-cha̍p-chhit su.

73Tùi án-ni, chè-si kap Lī-bī-lâng, sèng-tiān ê siú-ōe, hū-chek hiàn-si--ê, í-ki̍p chi̍t-pō͘-hūn ê jîn-bîn, sèng-tiān ê kang-lâng, kap Í-sek-lia̍t chèng-lâng, lóng tòa tī Iâ-lō͘-sat-léng hù-kūn ê tōe-khu.

Kàu chhit--ge̍h, kî-tha ê Í-sek-lia̍t-lâng tòa tī ka-kī ê kò͘-hiong.

Nî-hi-bí-kì 7 - 現代台語譯本羅馬字版(TTVR)-闽南语

Learn More About Us