Si-phian 15 - 現代台語譯本羅馬字版(TTVR)-闽南语

Tāi-pi̍t ê si.Siōng-tè ê Iau-kiû

1Siōng Chú ah, sím-mi̍h khoán lâng ōe-tàng tòa tī lí ê pò͘-pîⁿ?

Sím-mi̍h khoán lâng ōe-tàng khiā-khí tī lí ê sèng-soaⁿ?

2Chiū-sī hêng-ûi chèng-ti̍t, choh-sū kong-gī, tùi sim-tóe kóng chin-si̍t ê lâng.

3I bô ēng chhùi-chi̍h tiòng-siong lâng;

i bô hām-hāi pêng-iú,

bô sì-kòe chō-iâu húi-pòng chhù-piⁿ.

4I ê ba̍k-chiu biáu-sī choh-pháiⁿ ê lâng,

m̄-kú chun-tiōng kèng-ùi Siōng Chú ê lâng.

I chiù-chōa, sui-jiân ka-kī khek-khui mā bô kái-piàn.

5I chîⁿ chioh--lâng m̄-sī ūi-tio̍h lī-sek;

i bô siu hóe-lō͘ hām-hāi bû-ko͘ ê lâng.

Chòe chit-khoán tāi-chì ê lâng ōe éng-oán khiā-chāi.

Learn More About Us