Si-phian 114 - 現代台語譯本羅馬字版(TTVR)-闽南语

Pôaⁿ-kè-choeh ê Koa

1 Í-sek-lia̍t-lâng chhut Ai-ki̍p,

Ngá-kok ê hō͘-tāi lī-khui ōe-gú bô-siâng ê jîn-bîn;

2hit-sî Iû-tāi chiâⁿ-chòe I ê sèng-só͘,

Í-sek-lia̍t chòe I ê kok-tō͘.

3Tōa-hái khòaⁿ--kìⁿ chiū tô-cháu;

Iok-tàn-hô tò-lâu.

4Tōa-soaⁿ chhin-chhiūⁿ iûⁿ-káng tiô-thiàu;

sió-soaⁿ mā chhin-chhiūⁿ iûⁿ-á-kiáⁿ thiàu-lâi-thiàu-khì.

5Tōa-hái ah, lí sī-án-chóaⁿ tô-cháu?

Iok-tàn-hô ah, lí sī-án-chóaⁿ tò-lâu?

6Tōa-soaⁿ ah, lí sī-án-chóaⁿ chhin-chhiūⁿ iûⁿ-káng tiô-thiàu?

Sió-soaⁿ ah, lí sī-án-chóaⁿ chhin-chhiūⁿ iûⁿ-á-kiáⁿ thiàu-lâi-thiàu-khì?

7Tāi-tōe ah, lí kìⁿ-tio̍h Chú ê bīn,

kìⁿ-tio̍h Ngá-kok ê Siōng-tè ê bīn, tio̍h phi̍h-phi̍h-chhoah.

8I hō͘ chio̍h-pôaⁿ pìⁿ-chòe chúi-tî,

hō͘ chio̍h-giâm pìⁿ-chòe chúi-chôaⁿ.

Learn More About Us