Si-phian 52

Si-phian 52 - 現代台語譯本羅馬字版(TTVR)-闽南语

Í-tong-lâng To-ek lâi pò Sò-lô kóng: Tāi-pi̍t ū khì A-hi-bí-le̍k ê ke. Hit-sî Tāi-pi̍t chòe chit-siú kà-sī ê si, kau hō͘ sèng-ga̍k-tiúⁿ.Siōng-tè ê Sím-phòaⁿ kap Un-hūi

1Ū koân-le̍k ê lâng ah, sī-án-chóaⁿ lí kui-ji̍t ūi-tio̍h chòe pháiⁿ-tāi teh khoa-kháu?

Siōng-tè ê chû-ài éng-oán chûn-sio̍k.

2Lí chè-chō sī-hui tô͘-bô͘ húi-hoāi;

lí ê chi̍h chin lāi, chhin-chhiūⁿ thì-thâu-to.

3Lí ài pháiⁿ iâⁿ-kè hó,

ài pe̍h-chha̍t iâⁿ-kè kóng gī-lí.

4Khi-phiàn ê lâng ah,

lí ài kóng it-chhè thun-chia̍h lâng ê ōe.

5Siōng-tè ōe lia̍h lí, tùi pò͘-pîⁿ kā lí thoa--chhut-lâi,

tùi oa̍h-lâng ê tōe kā lí pu̍ih--khí-lâi.

I ōe éng-oán kā lí húi-bia̍t.

6Gī ê lâng khòaⁿ--tio̍h ōe kiaⁿ-ùi,

thí-chhiò lí, kóng,

7“Lí khòaⁿ leh, che chiū-sī bô óa-khò Siōng-tè,

chí-ū óa-khò ka-kī châi-hù ê lâng;

i óa-khò--ê hoán-tńg tì-kàu ka-kī húi-bia̍t.”

8M̄-kú góa, chhin-chhiūⁿ Siōng-tè tiān-lāi chhiⁿ-chhùi ê kaⁿ-ná-chhiū,

beh éng-éng-oán-oán óa-khò Siōng-tè ê chû-ài.

9In-ūi lí án-ni tùi-thāi góa, góa beh éng-oán kám-siā lí.

Góa beh tī lí sèng ê chú-bîn bīn-chêng gióng-bōng lí ê miâ;

in-ūi lí ê miâ chin hó.

Si-phian 52 - 現代台語譯本羅馬字版(TTVR)-闽南语

Learn More About Us