Bîn-sò͘-kì 33

Bîn-sò͘-kì 33 - 現代台語譯本羅馬字版(TTVR)-闽南语

Tùi Ai-ki̍p kàu Mô͘-ap

1Ē-bīn sī Í-sek-lia̍t-lâng tī Mô͘-se kap A-lûn ê léng-tō hā, chiàu kun-tūi ê chhù-sū, chhut Ai-ki̍p liáu-āu só͘ kiâⁿ ê lō͘-thêng.

2Mô͘-se chiàu Siōng Chú ê bēng-lēng, chiong in ta̍k-chām hêng-thêng ê khí-tiám kì-lio̍k--lo̍h-lâi, í-hā sī hêng-thêng ê khí-tiám:

3Chiaⁿ-ge̍h cha̍p-gō͘, Pôaⁿ-kè-choeh keh-ji̍t, Í-sek-lia̍t-lâng tùi Lân-sài khí-thêng, tī Ai-ki̍p-lâng ê bīn-chêng ióng-kám bô-kiaⁿ kiâⁿ--chhut-khì.

4Hit-sî Ai-ki̍p-lâng tú-teh bâi-chòng in hō͘ Siōng Chú phah-sí ê tōa-kiáⁿ; Siōng Chú mā sím-phòaⁿ Ai-ki̍p ê sîn-bêng.

5 Í-sek-lia̍t-lâng tùi Lân-sài chhut-hoat, tī So͘-kat chat-iâⁿ.

6Tùi So͘-kat chhut-hoat, tī khòng-iá pian-kài ê Í-thóng chat-iâⁿ.

7Tùi Í-thóng chhut-hoat, oat-khì Pa-le̍k Sé-hun tang-pêng ê Pí Hap-hi-lio̍k, tī Bi̍t-toa̍t ê tùi-bīn chat-iâⁿ.

8In tùi Pí Hap-hi-lio̍k khí-thêng, keng-kè Âng-hái, chìn-ji̍p khòng-iá; tī Í-thóng ê khòng-iá kiâⁿ saⁿ ji̍t, chiū tī Má-la chat-iâⁿ.

9In tùi Má-la chhut-hoat, lâi kàu Í-lîm; hia ū cha̍p-jī ê chúi-chôaⁿ, chhit-cha̍p châng chang-chhiū; chiū tī hia chat-iâⁿ.

10In lī-khui Í-lîm í-āu, tī Âng-hái hù-kūn chat-iâⁿ.

11In tùi Âng-hái hù-kūn chhut-hoat, tī Sìn ê khòng-iá chat-iâⁿ.

12In tùi Sìn ê khòng-iá chhut-hoat, tī Thoat-ka chat-iâⁿ.

13In tùi Thoat-ka chhut-hoat, tī A-lio̍k chat-iâⁿ.

14In tùi A-lio̍k chhut-hoat, tī Lī-hui-tèng chat-iâⁿ; tī hia in bô chúi thang lim.

15In tùi Lī-hui-tèng chhut-hoat, tī Se-nāi khòng-iá chat-iâⁿ.

16In tùi Se-nāi khòng-iá chhut-hoat, tī Ki-phok-lô Hap-tha-óa chat-iâⁿ.

17In tùi Ki-phok-lô Hap-tha-óa chhut-hoat, tī Hap-sé-lio̍k chat-iâⁿ.

18In tùi Hap-sé-lio̍k chhut-hoat, tī Lī-thê-má chat-iâⁿ.

19In tùi Lī-thê-má chhut-hoat, tī Lîm-bûn Phà-lia̍t chat-iâⁿ.

20In tùi Lîm-bûn Phà-lia̍t chhut-hoat, tī Li̍p-ná chat-iâⁿ.

21In tùi Li̍p-ná chhut-hoat, tī Le̍k-sat chat-iâⁿ.

22In tùi Le̍k-sat chhut-hoat, tī Ki-hi-la-tha chat-iâⁿ.

23In tùi Ki-hi-la-tha chhut-hoat, tī Sa-húi-soaⁿ chat-iâⁿ.

24In tùi Sa-húi-soaⁿ chhut-hoat, tī Hap-la-tāi chat-iâⁿ.

25In tùi Hap-la-tāi chhut-hoat, tī Má-kiat-hi-lio̍k chat-iâⁿ.

26In tùi Má-kiat-hi-lio̍k chhut-hoat, tī Tha-hap chat-iâⁿ.

27In tùi Tha-hap chhut-hoat, tī Tha-la chat-iâⁿ.

28In tùi Tha-la chhut-hoat, tī Bi̍t-ka chat-iâⁿ.

29In tùi Bi̍t-ka chhut-hoat, tī Hap-mô͘-ná chat-iâⁿ.

30In tùi Hap-mô͘-ná chhut-hoat, tī Mô͘-se-lio̍k chat-iâⁿ.

31In tùi Mô͘-se-lio̍k chhut-hoat, tī Pí-nî A-kan chat-iâⁿ.

32In tùi Pí-nî A-kan chhut-hoat, tī Hat Hap-ki̍p-kah chat-iâⁿ.

33In tùi Hat Hap-ki̍p-kah chhut-hoat, tī Iok-pa-tha chat-iâⁿ.

34In tùi Iok-pa-tha chhut-hoat, tī A-phok-ná chat-iâⁿ.

35In tùi A-phok-ná chhut-hoat, tī Í-sûn Ka-pia̍t chat-iâⁿ.

36In tùi Í-sûn Ka-pia̍t chhut-hoat, tī Sîm ê khòng-iá, chiū-sī Ka-te-su, chat-iâⁿ.

37In tùi Ka-te-su chhut-hoat, tī Í-tong tōe-khu ê pian-kài Hô-ní-soaⁿ chat-iâⁿ.

38 Í-sek-lia̍t-lâng chhut Ai-ki̍p liáu-āu tē-sì-cha̍p nî gō͘-ge̍h chhoe-it, chè-si A-lûn chiàu Siōng Chú ê chí-sī, chiūⁿ Hô-ní-soaⁿ, sí tī hia.

39A-lûn sí tī Hô-ní-soaⁿ ê sî, sī chi̍t-pah jī-cha̍p-saⁿ hè.

40Tòa tī Ka-lâm-tōe Nî-kek-hu ê Ka-lâm-lâng A-la-tek-ông thiaⁿ-kìⁿ Í-sek-lia̍t-lâng lâi lah.

41 Í-sek-lia̍t-lâng tùi Hô-ní-soaⁿ chhut-hoat, tī Sat-mô͘-ná chat-iâⁿ.

42In tùi Sat-mô͘-ná chhut-hoat, tī Phó͘-lūn chat-iâⁿ.

43In tùi Phó͘-lūn chhut-hoat, tī O-pek chat-iâⁿ.

44In tùi O-pek chhut-hoat, tī Mô͘-ap pian-kài ê Í-iâ A-pa-lîm chat-iâⁿ.

45In tùi Í-iâ A-pa-lîm chhut-hoat, tī Tí-pún Ka-tek chat-iâⁿ.

46In tùi Tí-pún Ka-tek chhut-hoat, tī A-bûn Te-pí-la-thài-im chat-iâⁿ.

47In tùi A-bûn Te-pí-la-thài-im chhut-hoat, tī Nî-pho-soaⁿ tùi-bīn ê A-pa-lîm-soaⁿ chat-iâⁿ.

48In tùi A-pa-lîm-soaⁿ chhut-hoat, tī Iok-tàn hô-piⁿ, Iâ-lī-ko tùi-bīn ê Mô͘-ap pêng-goân chat-iâⁿ.

49In tī Mô͘-ap pêng-goân, sūn Iok-tàn-hô, tùi Pek Iâ-se-boa̍t kàu A-pek Si̍p-têng ê tiong-kan chat-iâⁿ.

Kè Iok-tàn-hô chêng ê Chí-sī

50 Í-sek-lia̍t-lâng tī Iok-tàn hô-piⁿ, Iâ-lī-ko tùi-bīn ê Mô͘-ap pêng-goân ê sî, Siōng Chú tùi Mô͘-se kóng,

51“Lí tio̍h bēng-lēng Í-sek-lia̍t-lâng: Lín kè Iok-tàn-hô chìn-ji̍p Ka-lâm-tōe ê sî,

52tio̍h chiong hit só͘-chāi ê chū-bîn lóng kóaⁿ--chhut-khì, húi-hoāi in só͘-ū ēng chio̍h-thâu tiau-khek kap ēng kim-sio̍k chù ê sîn-siōng, thiah-húi in it-chhè ê soaⁿ-thâu-tôaⁿ.

53Lín tio̍h chiàm-léng hit-ê tōe, tòa hia khiā-khí, in-ūi góa í-keng chiong chit-ê tōe sù hō͘ lín chòe sán-gia̍p.

54Lín tio̍h chiàu chong-cho̍k thiu-chhiam hun-phòe thó͘-tōe chòe sán-gia̍p; lâng chōe--ê chiū pun khah chōe, lâng chió--ê chiū pun khah chió; khòaⁿ tó chi̍t ê chong-cho̍k pun-tio̍h tó-ūi, hit-ê tōe chiū kui hō͘ hit-ê chong-cho̍k chòe sán-gia̍p.

55Lín nā bô chiong hit só͘-chāi ê chū-bîn kóaⁿ--chhut-khì, hiah-ê lâu--lo̍h-lâi ê chū-bîn chiū ōe chiâⁿ-chòe lín ba̍k-chiu lāi ê chhì, hia̍p-ē ê chhì-phè, koh ōe tī lín khiā-khí ê só͘-chāi kā lín jiáu-loān;

56góa án-chóaⁿ tùi-thāi in, mā ōe án-ni tùi-thāi lín.”

Bîn-sò͘-kì 33 - 現代台語譯本羅馬字版(TTVR)-闽南语

Learn More About Us