Iok-pek-kì 25 - 現代台語譯本羅馬字版(TTVR)-闽南语

1 Su-a-lâng Pí-le̍k-ta̍t ìn Iok-pek kóng:

2Chú-koân kap ui-giâm lóng chāi-tī Siōng-tè;

I tī ke̍k-koân ê só͘-chāi si-hêng hô-pêng.

3I ê kun-tūi kiám sǹg ōe liáu?

I ê kng chi̍t-ē hoat-chhut, siáⁿ-lâng bô hō͘ i chiò--tio̍h?

4Án-ni, tī Siōng-tè bīn-chêng lâng ná ōe-tàng sǹg-chòe gī?

Hū-jîn-lâng só͘ siⁿ--ê kiám ū khó-lêng chheng-khì?

5Tī I gán-tiong, ge̍h bô-kàu kng,

chhiⁿ mā bô-kàu bêng.

6Hô-hòng, lâng sī thâng,

sè-kan-lâng sī tō͘-ún.

Learn More About Us