Ngá-ko 8

Ngá-ko 8 - 現代台語譯本羅馬字版(TTVR)-闽南语

1Lí nā-sī góa ê hiaⁿ-tī,

suh-kè goán lāu-bú ê lin, m̄-chai jōa hó!

Án-ni, góa tī gōa-bīn tú-tio̍h lí, kap lí chim-chhùi,

chiū bô lâng ōe khòaⁿ-khin góa.

2Góa ōe chhōa lí ji̍p-khì goán lāu-bú ê chhù,

i ōe kà-sī góa;

góa ōe hō͘ lí lim tiâu-hô ê chiú kap sia̍h-liû ê chiap.

3Lí ēng tò-chhiú hû góa ê thâu-khak,

ēng chiàⁿ-chhiú lám góa.

4 Iâ-lō͘-sat-léng ê cha-bó͘ gín-á ah,

góa khún-chhiat kā lín hoan-hù,

m̄-thang phah-chhíⁿ, m̄-thang kiáu-jiáu goán ê ài-chêng,

kàu goán hoaⁿ-hí boán-chiok.

Tē-la̍k Siú(Iâ-lō͘-sat-léng ê Cha-bó͘ Gín-á)

5Tùi khòng-iá chiūⁿ--lâi,

the tī i chhin-ài--ê ê seng-khu hit-ê sī siáⁿ-lâng?

(Lú)

Góa tī phōng-kó-chhiū kha kā lí kiò-chhíⁿ;

lí ê lāu-bú tī hia hoâi-īn,

tī hia keng-kè chhui-chūn ê thòng-khó͘ siⁿ lí.

6Hō͘ góa chhin-chhiūⁿ ìn, khàm tī lí ê sim-lāi;

chhin-chhiūⁿ ìn, tǹg tī lí ê chhiú-kut.

In-ūi ài-chêng chhin-chhiūⁿ sí hiah-ni̍h ū-la̍t,

chêng-jia̍t chhin-chhiūⁿ Im-hú hiah-ni̍h kiông-lia̍t,

só͘ hoat-chhut ê iām-jia̍t chhin-chhiūⁿ hé-iām,

chhin-chhiūⁿ ke̍k béng-lia̍t ê hé-iām.

7Tōa-chúi bōe-tàng phah-hoa ài-chêng;

khoe-chúi bōe-tàng kā i siau-bia̍t.

Lâng nā ēng i só͘-ū ê châi-sán lâi bóe ài-chêng,

it-tēng hō͘ lâng biáu-sī.

(Lú ê Hiaⁿ-tī)

8Goán ū chi̍t ê sòe-hàn sió-bē, i ê lin iáu-bē hoat-io̍k sêng-se̍k;

lâng lâi thê-chhin,

goán tio̍h án-chóaⁿ kā i siat-hoat?

9I nā-sī chhiûⁿ, goán beh tī i ê téng-bīn khí gûn-thah;

i nā-sī mn̂g, goán beh ēng pek-hiuⁿ-chhâ-pán kā i ûi--khí-lâi.

(Lú)

10Góa sī chhiûⁿ, góa ê lin chhin-chhiūⁿ nn̄g ê thah;

góa chhin-ài--ê chi̍t-ē khòaⁿ-tio̍h góa, chiū sim-móa-ì-chiok.

(Lâm)

11 Só͘-lô-bûn tī Pa-le̍k Hap-bûn ū chi̍t khu phû-tô-hn̂g;

I chiong chit-khu phû-tô-hn̂g cho͘ hō͘ kò͘-siú ê lâng;

in ta̍k-ê lâng ūi-tio̍h in ê ké-chí tio̍h la̍p chi̍t-chheng ê gûn.

12Góa ū phû-tô-hn̂g, sī góa ka-kī ê;

Só͘-lô-bûn ah, hit chi̍t-chheng lí the̍h--khì,

nn̄g-pah hō͘ kò͘-siú ké-chí ê lâng.

13Tiàm tī hn̂g-lāi ê cha-bó͘ gín-á ah, tâng-phōaⁿ lóng teh thiaⁿ lí ê siaⁿ,

lí mā hō͘ góa thiaⁿ--chi̍t-ē.

(Lú)

14Góa chhin-ài--ê ah, kóaⁿ-kín lâi,

chhin-chhiūⁿ lêng-iûⁿ,

chhin-chhiūⁿ lo̍k-á,

lâi kàu chhèng-chhut phang-bī ê soaⁿ!

Ngá-ko 8 - 現代台語譯本羅馬字版(TTVR)-闽南语

Learn More About Us