Si-phian 120 - 現代台語譯本羅馬字版(TTVR)-闽南语

Peh-kiā ê si.Kî-kiû Pang-chān

1Góa tī gûi-kip ê sî kiû-kiò Siōng Chú;

I ū ìn góa.

2Siōng Chú ah, kiû lí kiù góa,

thang thoat-lī kóng pe̍h-chha̍t kap khúi-chà ê lâng.

3Khúi-chà ê lâng ah, Siōng-tè ōe án-chóaⁿ tùi-thāi lí?

I ōe án-chóaⁿ kā lí hêng-hoa̍t?

4I ōe ēng ióng-sū chiam ê chìⁿ,

ēng iām-jia̍t ê thòaⁿ hêng-hoa̍t lí.

5Góa kià-ku tī Bí-siat,

tòa tī Ki-ta̍t-lâng ê pò͘-pîⁿ chin chhám!

6Góa kap iàm-ò͘ⁿ hô-pêng ê lâng

chòe-hé khiā-khí siuⁿ kú.

7Góa ài hô-pêng;

góa chi̍t-ē kóng chhut-chhùi, in chiū hoah beh chiàn-cheng.

Learn More About Us