Iok-su-a-kì 15

Iok-su-a-kì 15 - 現代台語譯本羅馬字版(TTVR)-闽南语

Pun Hō͘ Iû-tāi Chi-cho̍k ê Thó͘-tōe

1 Iû-tāi chi-cho̍k chiàu in ê chong-cho̍k thiu-chhiam tit--tio̍h ê tōe-khu, sī tī siōng lâm-pêng, sūn Í-tong ê pian-kài ǹg lâm ti̍t-kàu Sîm ê khòng-iá.

2In lâm-pêng ê kéng-kài, sī tùi Iâm-hái siōng lâm-pêng,

3thàng kàu A-khek-la-pin soaⁿ-phiâⁿ ê lâm-pêng, keng-kè Sîm, kàu Ka-te-su Pa-nî-a ê lâm-pêng, koh kè Hi-su-lûn, chiūⁿ kàu A-ta̍t-ní, se̍h-kè Kah-ka,

4keng-kè Ap-bûn, thàng kàu Ai-ki̍p ê khoe-kok, kàu Tōe-tiong-hái ûi-chí. Che chiū-sī Iû-tāi chi-cho̍k lâm-pêng ê pian-kài.

5Tang-pêng ê pian-kài sī Iâm-hái, chiūⁿ kàu Iok-tàn-hô ê chhut-kháu.

Pak-pêng ê pian-kài sī tùi Iok-tàn-hô ê chhut-kháu khai-sí,

6chiūⁿ kàu Pek Hat-la, keng-kè Pek A-la-pa ê pak-pêng, chiūⁿ kàu Pho-hán ê chio̍h-pôaⁿ (Pho-hán sī Lū-piān ê kiáⁿ);

7hit-ê pian-kài koh tùi A-kat Soaⁿ-kok chiūⁿ kàu Tí-phek, ǹg pak chiūⁿ-khì A-to͘-bêng soaⁿ-phiâⁿ ê tùi-bīn, hô ê lâm-pêng ê Kiat-kah; koh keng-kè Ún Sī-be̍k ê chúi-chôaⁿ, kàu Ún Lô-kiat;

8chit-ê pian-kài koh keng-kè Him-lūn-chú Soaⁿ-kok, chiūⁿ kàu Iâ-pò͘-su soaⁿ-pho-tōe ê lâm-pêng (Iâ-pò͘-su chiū-sī Iâ-lō͘-sat-léng); hit-ê pian-kài koh chiūⁿ kàu Him-lūn Soaⁿ-kok sai-pêng tùi-bīn ê soaⁿ-téng, chiū-sī Lī-hoa̍t-im Soaⁿ-kok ê siōng pak-pêng;

9hit-ê pian-kài koh tùi soaⁿ-téng kàu Nî-hut-to-a ê chúi-chôaⁿ, thàng kàu Í-hut-lûn-soaⁿ hiah-ê siâⁿ-chhī, koh kàu Pa-la (Pa-la chiū-sī Ki-lia̍t Iâ-lîm);

10hit-ê pian-kài koh tùi Pa-la ǹg sai-pêng se̍h-kè Í-tong-soaⁿ, kàu Iâ-lîm soaⁿ-piⁿ ê pak-pêng (Iâ-lîm chiū-sī Ki-sat-lûn), koh lo̍h-khì kàu Pek Sī-be̍k, keng-kè Têng-ná;

11hit-ê pian-kài koh thàng kàu Í-kek-lûn soaⁿ-phiâⁿ ê pak-pêng, sòa kàu Si-ki-lûn, keng-kè Pa-la-soaⁿ, thàng kàu Ngá-pí-liap, kàu Tōe-tiong-hái ûi-chí.

12Tōe-tiong-hái chiū-sī Iû-tāi chi-cho̍k sai-pêng ê pian-kài.

Che sī Iû-tāi-lâng, chiàu in ê chong-cho̍k só͘ tit--tio̍h ê tōe sì-ûi ê pian-kài.

Ka-le̍k Cheng-ho̍k Hi-pek-lûn kap Tí-phek(Sū 1.11-15)

13 Iok-su-a chiàu Siōng Chú ê bēng-lēng, chiong Iû-tāi chi-cho̍k tiong chi̍t hūn ê thó͘-tōe, chiū-sī Ki-lia̍t A-pa, hō͘ Iâ-hu-nî ê kiáⁿ Ka-le̍k chòe ke-gia̍p; Ki-lia̍t A-pa chiū-sī Hi-pek-lûn. (A-pa sī A-la̍p-cho̍k ê chó͘-sian.)

14Ka-le̍k tùi hia kóaⁿ-chhut A-la̍p saⁿ ê kiáⁿ, Sī-su, A-hi-bān, kap Ta̍t-mái ê hō͘-tāi.

15Koh tùi hia khì kong-kek Tí-phek ê chū-bîn. Tí-phek í-chêng kiò-chòe Ki-lia̍t Se-hut.

16Ka-le̍k kóng, “Sím-mi̍h-lâng kong-chhú Ki-lia̍t Se-hut, góa chiū chiong góa ê cha-bó͘-kiáⁿ Ap-sat hō͘ i choh-bó͘.”

17Ka-le̍k ê sió-tī Ki-la̍p-su ê kiáⁿ Gô-tô-liap kong-chhú chit-ê siâⁿ, Ka-le̍k chiū chiong cha-bó͘-kiáⁿ Ap-sat hō͘ i choh-bó͘.

18Ap-sat chhut-kè hit-ji̍t, Gô-tô-liap kiò i tio̍h kā i ê lāu-pē thó chi̍t khu hn̂g. Ap-sat tùi lû-á lo̍h--lâi; Ka-le̍k mn̄g i kóng, “Lí beh ài sím-mi̍h?”

19 Ap-sat kóng, “Chhiáⁿ lí hō͘ góa chi̍t hūn lé-mi̍h. Lí ū hō͘ góa chi̍t tè lâm-pêng ê ta-tōe, chhiáⁿ koh hō͘ góa chúi-chôaⁿ.” Ka-le̍k chiū chiong téng-ē nn̄g ê chúi-chôaⁿ lóng hō͘ i.

Pun Hō͘ Iû-tāi Chi-cho̍k ê Siâⁿ-tìn

20Ē-bīn sī Iû-tāi chi-cho̍k ta̍k-ê chong-cho̍k só͘ tit--tio̍h ê sán-gia̍p:

21 Iû-tāi chi-cho̍k siōng lâm-pêng óa-kūn Í-tong pian-kài ê siâⁿ-tìn, ū Kah-sih, Í-tek, Ngá-ko͘-ní,

22Ki-ná, Tí-mô͘-ná, A-tāi-ta̍t,

23Ki-te-su, Hā-só, Í-thê-lâm,

24Se-hut, Thê-liān, Pí-a-lio̍k,

25Hā-só Hap-tāi-tha, Ka-lio̍k Hi-su-lûn (chiū-sī Hā-só),

26A-bān, Sī-má, Mô͘-la-tāi,

27Hap-sat Ka-tāi, Hek-si̍t-bûn, Pek Phà-lia̍t,

28Hap-sat Su-a, Pia̍t-sī-pa, Pí-su-iok-tha,

29Pa-la, Í-in, Í-sim,

30I-le̍k-to-la̍h, Ki-sit, Hô-ní-má,

31Sé-kek-la, Be̍k-má-ná, Sam-sat-ná,

32Lī-pa-bu̍t, Si̍t-him, A-in, Lîm-bûn, kiōng jī-cha̍p-káu chō siâⁿ, kap hù-kūn ê chng-siā.

33Tī soaⁿ-po͘ ū Í-si̍t-tô, Só-la, A-si̍t-ná,

34Sat-ná-a, Ún Kan-lêng, Tha-phó͘-a, Í-lâm,

35Iâ-boa̍t, A-tō͘-lân, So-ko, A-se-ka,

36Sa-la-im, A-tí-tha-im, Ki-tí-la, Ki-tí-lô-tha-im, kiōng cha̍p-sì chō siâⁿ, kap hù-kūn ê chng-siā.

37Koh ū Sé-lâm, Hap-tāi-sa, Be̍k-tāi Ka-tek,

38Tí-liân, Bí-su-pa, Iok-thiap,

39La-kiat, Pho-su-ka, I-ki-lûn,

40Ka-pún, La-bān, Ki-thê-lī,

41Ki-te-lô, Pek Tāi-kún, Ná-má, Má-ki-tāi, kiōng cha̍p-la̍k chō siâⁿ, kap hù-kūn ê chng-siā.

42Koh ū Li̍p-ná, Í-thiap, A-san,

43Iâ-hut-tha, A-si̍t-ná, Nî-sek,

44Ki-i-la, A-kek-sek, Má-lī-sa, kiōng káu chō siâⁿ, kap hù-kūn ê chng-siā.

45Koh ū Í-kek-lûn í-ki̍p chiu-ûi ê hiong-tìn kap chng-siā,

46Í-kek-lûn ǹg sai só͘-ū óa-kūn A-si̍t-tu̍t ê tōe-khu, kap hù-kūn ê chng-siā.

47Koh ū A-si̍t-tu̍t kap chiu-ûi ê hiong-tìn í-ki̍p chng-siā, Ka-sat kap chiu-ûi ê hiong-tìn í-ki̍p chng-siā, ti̍t-kàu Ai-ki̍p khoe-kok, kap Tōe-tiong-hái, í-ki̍p iân-hái tōe-khu.

48Tī soaⁿ-khu ū Sa-bi̍t, Ngá-thê-ní, So-ko,

49Tāi-ná, Ki-lia̍t Sat-ná (chiū-sī Tí-phek),

50A-ná-pek, Í-si̍t-thê-bo̍k, A-liām,

51Ko-san, Hô-lûn, Ki-lô, kiōng cha̍p-it chō siâⁿ, kap hù-kūn ê chng-siā.

52Koh ū A-la, Tō͘-má, Í-san,

53Ngá-lông, Pek Tha-phó͘-a, A-hui-ka,

54Hông-tha, Ki-lia̍t A-pa (chiū-sī Hi-pek-lûn), Sé-ní, kiōng káu chō siâⁿ, kap hù-kūn ê chng-siā.

55Koh ū Má-hûn, Ka-bi̍t, Se-hut, Ù-tha,

56Iâ-su-lia̍t, Iok-tiân, Sat-ná-a,

57Kai-ún, Ki-pí-a, Têng-ná, kiōng cha̍p chō siâⁿ, kap hù-kūn ê chng-siā.

58Koh ū Hap-hut, Pek Siok, Ki-to,

59Má-la̍h, Pek A-lo̍k, Í-le̍k-thê-kun, kiōng la̍k chō siâⁿ, kap hù-kūn ê chng-siā.

60Koh ū Ki-lia̍t Pa-le̍k (chiū-sī Ki-lia̍t Iâ-lîm), La-pa, kiōng nn̄g chō siâⁿ, kap hù-kūn ê chng-siā.

61Tī khòng-iá ū Pek A-la-pa, Bi̍t-teng, Se-ka-ka,

62Le̍k-san, Iâm-siâⁿ, Ún Ki-tí, kiōng la̍k chō siâⁿ, kap hù-kūn ê chng-siā.

63Tòa tī Iâ-lō͘-sat-léng ê Iâ-pò͘-su-lâng, Iû-tāi-lâng bô hoat-tō͘ kā in kóaⁿ--chhut-khì; Iâ-pò͘-su-lâng kap Iû-tāi-lâng chòe-hé tòa tī Iâ-lō͘-sat-léng, ti̍t-kàu kin-á-ji̍t.

Iok-su-a-kì 15 - 現代台語譯本羅馬字版(TTVR)-闽南语

Learn More About Us