Sat-ka-lī-a-su 5

Sat-ka-lī-a-su 5 - 現代台語譯本羅馬字版(TTVR)-闽南语

Teh Pe ê Chheh ê Īⁿ-siōng

1Góa koh gia̍h-thâu khòaⁿ-kìⁿ ū chi̍t kńg teh pe ê chheh.

2Sù-chiá mn̄g góa, “Lí khòaⁿ-tio̍h sím-mi̍h?”

Góa ìn kóng, “Góa ū khòaⁿ-tio̍h chi̍t kńg teh pe ê chheh, tn̂g káu kong-chhioh, khoah sì kong-chhioh-pòaⁿ.”

3I chiū tùi góa kóng, “Chit-ê sī tùi choân-tōe hoat-chhut ê chiù-chó͘; só͘-ū thau-the̍h--ê ōe chiàu chit-kńg chheh ê chit-bīn só͘ siá--ê kā in tû-bia̍t; só͘-ū choh gūi-chèng--ê ōe chiàu lēng-gōa hit-bīn só͘ siá--ê kā in tû-bia̍t.

4Siōng Chú — Bān-kun ê Thóng-sòe ū kóng: Góa beh sàng hit-kńg chheh chhut--khì, hit-kńg chheh ōe ji̍p-khì hiah-ê thau-the̍h ê lâng kap kí góa ê miâ lām-sám chiù-chōa ê lâng ê chhù, ōe lâu tī in hia, ti̍t-kàu kui-keng chhù liân chhâ kap chio̍h lóng húi-hoāi.”

5Kap góa kóng-ōe ê sù-chiá chhut-lâi kā góa kóng, “Lí tio̍h gia̍h-thâu khòaⁿ, khòaⁿ ū chhut-hiān sím-mi̍h?”

6Góa mn̄g, “Che sī sím-mi̍h?”

I kóng, “Sī niû ngó͘-kok ê tháng-á.”

I koh kóng, “Chit-ê tháng-á piáu-sī chit-ê tōe lóng-chóng ê lâng ê chōe.”

7Khòaⁿ leh, îⁿ ê iân-kòa chi̍t-ē hian-khui, ū chi̍t ê hū-jîn-lâng chē tī lāi-bīn.

8Sù-chiá kóng, “Chit-ê hū-jîn-lâng piáu-sī siâ-ok.” I chiū chiong hit-ê hū-jîn-lâng chhi̍h lo̍h-khì tháng-á lāi, koh ēng hit-ê iân-kòa khàm--teh.

9Góa koh gia̍h-thâu khòaⁿ, khòaⁿ-tio̍h nn̄g ê hū-jîn-lâng chhut-hiān; in ū chhin-chhiūⁿ ho̍h ê si̍t. In thí-si̍t sūn-hong pe--lâi, chiong tháng-á giâ kàu pòaⁿ khong-tiong.

10Góa mn̄g kap góa kóng-ōe ê sù-chiá, “In beh kā tháng-á giâ-khì tó-ūi?”

11I kā góa kóng, “Beh giâ-khì Pa-pí-lûn, tī hia kā i khí chi̍t keng biō; tán biō khí hó, chiū kā chit-ê tháng-á hē tī hia.”

Sat-ka-lī-a-su 5 - 現代台語譯本羅馬字版(TTVR)-闽南语

Learn More About Us