Si-phian 8 - 現代台語譯本羅馬字版(TTVR)-闽南语

Tāi-pi̍t ê si, kau hō͘ sèng-ga̍k-tiúⁿ; ēng Ka-te̍k ê ga̍k-khì phōaⁿ-chàu.Siōng-tè ê Ui-giâm, Lâng ê Chun-kùi

1Siōng Chú — goán ê Chú ah, lí ê ui-giâm phó͘-ki̍p choân-tōe!

Chheng-chàn lí ê siaⁿ thàu kàu thiⁿ-téng,

2tùi gín-á kap eⁿ-á ê chhùi chhiùⁿ--chhut-lâi.

Lí khí-chō iàu-sài hông-pī te̍k-jîn,

beh siau-bia̍t tùi-te̍k, siau-tû oan-siû.

3Khòaⁿ-tio̍h lí chhin-chhiú chhòng-chō ê thiⁿ,

lí só͘ an-pâi ê ge̍h-niû, chhiⁿ-sîn,

4ah, lâng sǹg sím-mi̍h, lí hiah-ni̍h koan-sim?

Sè-kan-lâng sǹg sím-mi̍h, lí hiah-ni̍h chiàu-kò͘?

5Lí hō͘ i pí thiⁿ-sài sió-khóa khah kē;

lí sù êng-kng chun-kùi chòe hoa-koan kā i tì.

6Lí chí-phài i koán-lí lí chhin-chhiú chhòng-chō ê bān-mi̍h;

lí hō͘ i ū koân-pèng chi-phòe it-chhè:

7It-chhè ê iûⁿ kap gû,

soaⁿ-iá ê cháu-siù,

8khong-tiong ê pe-chiáu,

hái-iûⁿ ê hî-lūi kap oa̍h-mi̍h.

9Siōng Chú — goán ê Chú ah, lí ê ui-giâm phó͘-ki̍p choân-tōe!

Learn More About Us