Iok-su-a-kì 12

Iok-su-a-kì 12 - 現代台語譯本羅馬字版(TTVR)-闽南语

Mô͘-se Phah-pāi ê Ông

1Tī Iok-tàn-hô tang-pêng, tùi A-lūn Soaⁿ-kok kàu Hek-bûn-soaⁿ kap tang-pêng ê A-la-pa choân tōe-khu, Í-sek-lia̍t-lâng só͘ phah-pāi ê ông kap só͘ kong-chhú ê tōe kì tī ē-bīn:

2Chi̍t ê sī tòa tī Hi-si̍t-pún ê A-mô͘-lī-ông Se-hông, i koán-hat ê tōe-khu, tùi A-lūn Soaⁿ-kok piⁿ ê A-lô-ní, kap soaⁿ-kok tiong ê siâⁿ, í-ki̍p Ki-lia̍t ê chi̍t-pòaⁿ, ti̍t-kàu A-bûn-lâng ê pian-kài Ngá-phok-hô;

3koh pau-koat tang-pêng ê A-la-pa kàu Ka-lī-lī-ô͘, ǹg tang keng-kè Pek Iâ-se-boa̍t ê lō͘, kàu A-la-pa-hái, chiū-sī Iâm-hái; koh ǹg lâm, ti̍t-kàu Pí-su-ka ê soaⁿ-pho-tōe ē-bīn.

4Koh ū Pa-san-ông Go̍k; i sī chhun--lo̍h-lâi ê Lī-hoa̍t-im-lâng, tòa tī A-su-tha-lio̍k kap Í-tek-lâi.

5I koán-hat ê tōe-khu sī Hek-bûn-soaⁿ, Sat-ka, Pa-san choân tōe-khu, kàu Ki-su̍t-lâng kap Má-ka-lâng ê pian-kài, í-ki̍p Ki-lia̍t ê chi̍t-pòaⁿ, ti̍t-kàu Hi-si̍t-pún-ông Se-hông ê pian-kài.

6Chit nn̄g ê ông lóng hō͘ Siōng Chú ê po̍k-jîn Mô͘-se kap Í-sek-lia̍t-lâng phah-pāi. Siōng Chú ê po̍k-jîn Mô͘-se chiong in ê tōe hō͘ Lū-piān chi-cho̍k, Ka-tek chi-cho̍k, kap Má-ná-se pòaⁿ chi-cho̍k chòe ke-gia̍p.

Iok-su-a Phah-pāi ê Ông

7 Iok-su-a kap Í-sek-lia̍t-lâng phah-pāi Iok-tàn-hô sai-pêng ê ông, tùi Lê-pa-lūn Soaⁿ-kok ê Pa-le̍k Ka-tek, chiūⁿ kàu Se-ní ê Hap-la-soaⁿ. Iok-su-a chiong hit-ê tōe chiàu Í-sek-lia̍t ta̍k chi-cho̍k èng-tit ê hūn-gia̍h, pun hō͘ in chòe ke-gia̍p;

8chiū-sī Hek-lâng, A-mô͘-lī-lâng, Ka-lâm-lâng, Pí-lī-sé-lâng, Hi-bī-lâng, Iâ-pò͘-su-lâng khiā-khí ê soaⁿ-khu, soaⁿ-po͘, A-la-pa, soaⁿ-pho-tōe, khòng-iá, kap lâm-pêng ê tōe. Chiah-ê ông chiū-sī:

9Iâ-lī-ko-ông, Pek-te̍k-lī hù-kūn Ai-siâⁿ ê ông,

10Iâ-lō͘-sat-léng-ông, Hi-pek-lûn-ông,

11Iâ-boa̍t-ông, La-kiat-ông,

12I-ki-lûn-ông, Ki-sek-ông,

13Tí-phek-ông, Ki-tek-ông,

14Hô-ní-má-ông, A-la-tek-ông,

15Li̍p-ná-ông, A-tō͘-lân-ông,

16Má-ki-tāi-ông, Pek-te̍k-lī-ông,

17Tha-phó͘-a-ông, Hi-hut-ông,

18A-hut-ông, Sa-lûn-ông,

19Má-tùn-ông, Hā-só-ông,

20Sin-lûn Bí-lûn-ông, Ap-soah-ông,

21Tha-la̍p-ông, Bí-kiat-to-ông,

22Ki-te-su-ông, Ka-bi̍t hù-kūn ê Iok-liām-ông,

23To-ní soaⁿ-thâu ê To-ní-ông, Kiat-kah ê Ko-ìn-ông,

24Tek-sat-ông, chóng-kiōng saⁿ-cha̍p-it ê ông.

Iok-su-a-kì 12 - 現代台語譯本羅馬字版(TTVR)-闽南语

Learn More About Us