Si-phian 3 - 現代台語譯本羅馬字版(TTVR)-闽南语

Tāi-pi̍t tô-siám i ê kiáⁿ Ap-sa-liông ê sî chòe ê si.Kiû Siōng-tè Pang-chān ê Chá-tó

1Siōng Chú ah, góa ê tùi-te̍k ná hiah chōe!

Hiah chōe lâng khí-lâi kong-kek góa.

2In tùi góa kóng,

“Siōng-tè bōe pang-chān lí.”

3M̄-kú, Siōng Chú, lí sī pó-hō͘ góa ê tún-pâi, góa ê êng-kng;

lí hō͘ góa ê thâu-khak gia̍h ōe khí--lâi.

4Góa chhut-siaⁿ kiû-kiò Siōng Chú;

I ōe tùi I ê sèng-soaⁿ ìn góa.

5Góa tó--teh, góa teh khùn, góa cheng-sîn,

Siōng Chú lóng teh pó-hō͘ góa.

6Chiū-sī-kóng ū chheng-bān lâng pau-ûi kong-kek góa,

góa mā m̄ kiaⁿ.

7Siōng Chú ah, kiû lí khí--lâi;

góa ê Siōng-tè ah, kiû lí chín-kiù góa.

In-ūi lí ū siàn góa tùi-te̍k ê chhùi-phóe,

ū kòng-tn̄g pháiⁿ-lâng ê chhùi-khí.

8Chín-kiù tùi Siōng Chú lâi;

goān lí sù-hok hō͘ lí ê chú-bîn.

Learn More About Us