Si-phian 126 - 現代台語譯本羅馬字版(TTVR)-闽南语

Peh-kiā chiūⁿ Iâ-lō͘-sat-léng ê si.Ūi Sek-an ê Ho̍k-heng Hoaⁿ-hí

1Siōng Chú chhōa lán chiah-ê siū-lia̍h ê lâng tńg-lâi Sek-an ê sî,

lán chhin-chhiūⁿ teh chòe bāng.

2Hit-sî lán ê chhùi ha-ha-chhiò,

tōa-siaⁿ hoan-ho͘.

Lia̍t-kok ê lâng kóng,

“Siōng Chú ūi-tio̍h in chòe tōa tāi-chì.”

3Siōng Chú si̍t-chāi ū ūi lán chòe tōa tāi-chì;

lán hui-siông hoaⁿ-hí.

4Siōng Chú ah, kiû lí hō͘ goán chiah-ê siū-lia̍h ê lâng tò-tńg--lâi,

chhin-chhiūⁿ lâm-hng ta-sò ê tōe ū khoe-chúi koh teh lâu.

5Lâu ba̍k-sái iā chéng-chí--ê,

ōe chhut hoaⁿ-hí ê siaⁿ siu-koah.

6Lâu ba̍k-sái tòa chéng-chí chhut--khì-ê,

ōe tòa i ê be̍h-khún hoaⁿ-hoaⁿ-hí-hí tò--lâi.

Learn More About Us