Si-phian 122 - 現代台語譯本羅馬字版(TTVR)-闽南语

Peh-kiā chiūⁿ Iâ-lō͘-sat-léng ê si; Tāi-pi̍t só͘ chòe.Ūi Iâ-lō͘-sat-léng Kiû Pêng-an

1Góa chin hoaⁿ-hí lâng chio góa kóng,

“Lán lâi-khì Siōng Chú ê tiān.”

2 Iâ-lō͘-sat-léng ah,

goán ê kha í-keng ta̍h-ji̍p lí ê mn̂g-lāi.

3 Iâ-lō͘-sat-léng kiàn-chō chòe chi̍t ê siâⁿ,

choân-siâⁿ chéng-chôe sù-phòe.

4Chiah-ê chi-cho̍k, chiū-sī Siōng Chú ê chi-cho̍k,

lóng chiàu ūi Í-sek-lia̍t chè-tēng ê kui-lē,

chiūⁿ-khì hia chheng-chàn Siōng Chú ê miâ.

5In-ūi tī hia ū siat-li̍p sím-phòaⁿ ê pó-chō,

chiū-sī Tāi-pi̍t-ke ê pó-chō.

6Tio̍h ūi Iâ-lō͘-sat-léng kiû hô-pêng;

goān thiàⁿ lí ê lâng lóng hióng-siū an-lo̍k.

7Goān lí ê siâⁿ-lāi ū hô-pêng;

goān lí ê kiong-lāi ū an-lo̍k.

8Ūi-tio̍h góa ê chhin-lâng pêng-iú,

góa beh kóng, “Goān lín pêng-an!”

9Ūi-tio̍h Siōng Chú — lán ê Siōng-tè ê tiān,

góa beh ūi lín kiû hok-khì.

Learn More About Us