Si-phian 54

Si-phian 54 - 現代台語譯本羅馬字版(TTVR)-闽南语

Se-hut-lâng lâi tùi Sò-lô kóng: Tāi-pi̍t kiám m̄-sī bih tī goán hia? Hit-sî Tāi-pi̍t chòe chit-siú kà-sī ê si, kau hō͘ sèng-ga̍k-tiúⁿ; ēng hiân ê ga̍k-khì phōaⁿ-chàu.Kî-kiû Pó-hō͘

1Siōng-tè ah, kiû lí in-ūi lí ê miâ chín-kiù góa,

ēng lí ê koân-pèng thòe góa sin-oan.

2Siōng-tè ah, kiû lí thiaⁿ góa ê kî-tó,

àⁿ hī-khang thiaⁿ góa só͘ kóng ê ōe.

3In-ūi siⁿ-hūn-lâng khí-lâi kong-kek góa,

chân-jím ê lâng siàu-siūⁿ góa ê sìⁿ-miā;

in gán-tiong bô Siōng-tè.

4Siōng-tè khak-si̍t sī góa ê pang-chān;

Chú sī góa ê pó-hō͘-chiá.

5Kiû lí ēng góa ê tùi-te̍k tùi góa só͘ chòe ê pháiⁿ kā in pò-èng,

chiàu lí ê sìn-si̍t kā in húi-bia̍t.

6Góa beh kam-sim lo̍k-ì hiàn chè-mi̍h hō͘ lí;

Siōng Chú ah, góa beh kám-siā chheng-chàn lí ê miâ, in-ūi lí sī hó.

7Lí ū kiù góa thoat-chhut it-chhè ê hoān-lān;

góa ū chhin-ba̍k khòaⁿ-tio̍h góa ê tùi-te̍k bia̍t-bông.

Si-phian 54 - 現代台語譯本羅馬字版(TTVR)-闽南语

Learn More About Us