Chim-giân 12

Chim-giân 12 - 現代台語譯本羅馬字版(TTVR)-闽南语

1Ì-ài tì-sek ê lâng hoaⁿ-hí chiap-siū koán-kàu;

gōng-lâng iàm-ò͘ⁿ chek-pī.

2Hó-lâng ōe tit-tio̍h Siōng Chú si-un;

khúi-kè-to-toan ê lâng ōe siū Siōng Chú tēng-chōe.

3Lâng bōe-tàng tùi chòe pháiⁿ tit-tio̍h an-choân;

gī-lâng ê kun-ki éng-oán bōe tōng-iâu.

4Châi-tek ê hū-jîn-lâng sī tiōng-hu ê hoa-koan;

m̄-chai kiàn-siàu ê hū-jîn-lâng chhin-chhiūⁿ tiōng-hu kut-lāi ê to̍k-liû.

5Gī-lâng ê ì-liām sì-chiàⁿ;

pháiⁿ-lâng ê kè-bô͘ khúi-chà.

6Pháiⁿ-lâng ê giân-lūn tng-tán beh thâi-lâng;

chèng-ti̍t-lâng ê chhùi ōe kiù lâng.

7Pháiⁿ-lâng ōe siū chhia-tó siau-sit;

gī-lâng ê ke ōe kian-kò͘.

8Lâng in-ūi tì-hūi siū o-ló;

sim oai-khiok sī-hui ōe siū biáu-sī.

9Pi-chiān ê lâng thàn ū chia̍h,

khah iâⁿ phòng-hong chū-tāi ê lâng bô mi̍h thang chia̍h.

10Gī-lâng koan-sim i ê cheng-siⁿ ê sìⁿ-miā;

pháiⁿ-lâng liân tùi lâng tông-chêng to chân-jím.

11Chèng-choh ê lâng ū kàu-gia̍h ê bí-niû;

tui-kiû khang-khang bô kè-ta̍t ê sū sī bô tì-sek.

12Pháiⁿ-lâng tham-ài siâ-ok ê lâng chhiúⁿ--lâi ê châi-bu̍t;

gī-lâng ê kun ōe kiat ké-chí.

13Siâ-ok ê lâng in-ūi chhùi-tûn ê kè-sit poa̍h-lo̍h ka-kī ê lô-bāng;

gī-lâng ōe thoat-lī hoān-lān.

14Lâng tùi chhùi só͘ kiat ê ké-chí tit-tio̍h móa-móa ê hok-khì;

ta̍k-ê lâng chiàu i ê só͘-chòe siū pò-èng.

15Gōng-lâng khòaⁿ ka-kī ê lō͘ chòe tio̍h;

chhong-bêng ê lâng thiaⁿ lâng khó͘-khǹg.

16Gōng-lâng chin khoài hián-chhut siū-khì;

bêng-lí ê lâng jím-siū bú-jio̍k.

17Kóng si̍t-ōe choh-chèng chiong-hián kong-gī;

lām-sám choh-chèng hián-chhut khúi-khiat.

18Kóng-ōe bô kín-sīn chhin-chhiūⁿ ēng to chha̍k--lâng;

tì-hūi ê lâng ê chi̍h i-tī lâng.

19Sêng-si̍t ê chhùi éng-oán khó-khò;

pe̍h-chha̍t ê chi̍h chí-ū tòng chi̍t-sî-á-kú.

20Tô͘-bô͘ pháiⁿ-tāi ê lâng sim chûn khúi-chà;

khǹg lâng hô-hó ê lâng ōe khoài-lo̍k.

21Gī-lâng bōe tú-tio̍h chai-hāi;

pháiⁿ-lâng ōe tú-tio̍h chin chōe chai-hō.

22Pe̍h-chha̍t ê chhùi-tûn, Siōng Chú iàm-ò͘ⁿ;

chòe tāi-chì sêng-si̍t, I só͘ hoaⁿ-hí.

23Bêng-lí ê lâng khǹg-ba̍t tì-sek;

gōng-lâng ê sim hián-lō͘ gû-gōng.

24Un-khûn ê chhiú ū-la̍t chiáng-koân;

pîn-tōaⁿ ê lâng kā lâng chòe khó͘-kang.

25Sim ū khòa-lū, hō͘ lâng lóe-chì;

chi̍t kù hó-ōe, hō͘ lâng hoaⁿ-hí.

26Gī-lâng chhōa chhù-piⁿ kiâⁿ chiàⁿ-lō͘;

pháiⁿ-lâng chhōa lâng kiâⁿ bê-lō͘.

27Pîn-tōaⁿ ê lâng ū bah mā bô beh hang;

phah-piàⁿ ê lâng ōe tit-tio̍h pó-kùi ê châi-bu̍t.

28Chèng-ti̍t ê lō͘ hō͘ lâng tit-tio̍h sìⁿ-miā;

siâ-ok ê lō͘ thàng kàu sí-bông.

Chim-giân 12 - 現代台語譯本羅馬字版(TTVR)-闽南语

Learn More About Us