Si-phian 130 - 現代台語譯本羅馬字版(TTVR)-闽南语

Peh-kiā chiūⁿ Iâ-lō͘-sat-léng ê si.Kî-kiû Siōng Chú Pang-chān

1Siōng Chú ah, góa tùi chhim-ian kiû-kiò lí.

2Chú ah, kiû lí thiaⁿ góa ê siaⁿ!

Kiû lí àⁿ hī-khang thiaⁿ góa ê khún-kiû!

3Siōng Chú ah, lí nā ōe-kì-tit lâng ê chōe-kò,

Chú ah, sím-mi̍h-lâng khiā ōe tiâu?

4Chóng-sī lí ōe sià-bián lâng,

hō͘ lâng thang kèng-ùi lí.

5Góa pek-chhiat thèng-hāu Siōng Chú;

góa gióng-bōng lí ê ōe.

6Góa ê sim-sîn thèng-hāu Chú,

pí siú-bōng ê lâng thèng-hāu thiⁿ-kng koh-khah pek-chhiat,

pí siú-bōng ê lâng thèng-hāu thiⁿ-kng koh-khah pek-chhiat.

7 Í-sek-lia̍t ah, tio̍h gióng-bōng Siōng Chú!

In-ūi Siōng Chú ū put-piàn ê chû-ài;

I ū kiù-sio̍k ê tōa koân-lêng.

8Chí-ū I ōe kiù-sio̍k Í-sek-lia̍t thoat-lī in it-chhè ê chōe-kò!

Learn More About Us